గ‌త వారం విడుద‌లైన ‘దేవ‌దాస్‌’ ఏవ‌రేజ్ టాక్‌తో స‌రిపెట్టుకుంది. తొలి వారాంతం వ‌సూళ్లు బాగానే ఉన్నా… సోమ‌వారం నుంచి క‌ల‌క్ష‌న్లు డ్రాప్ అయ్యాయి. ఈవారం ‘నోటా’ ఉంది కాబ‌ట్టి ‘దేవ‌దాస్’ ప‌ని ఖ‌తం అనుకున్నారంతా. కానీ ‘నోటా’ తొలి ఆట‌తోనే ‘ఫ్లాప్‌’ టాక్‌మూట‌గ‌ట్టుకుంది. తొలిరోజు కాబ‌ట్టి వ‌సూళ్ల‌కి ఢోకా ఉండ‌దు. మౌత్ టాక్ స్పైడ్ అయితే శ‌ని, ఆదివారాల్లో జోరు త‌గ్గిపోతుంది. దాన్ని క్యాష్ చేసుకునే ప‌నిలో ప‌డింది ‘దేవ‌దాస్‌’. ఎప్పుడైతే ‘నోటా’ టాక్ బ‌య‌ట‌కు వ‌చ్చేసిందో అప్పుడే ‘దేవ‌దాస్‌’ టీమ్ అప్ర‌మ‌త్త‌మైంది. ఈ వీకెండ్ ఎలాగైనా ప్రేక్ష‌కుల దృష్టిని త‌మ సినిమావైపుకు తిప్పుకోవాల‌ని భావిస్తోంది. అందుకే స‌డ‌న్‌గా ఈరోజు సాయింత్రం ఓ ప్రెస్‌మీట్ నిర్వ‌హించేసింది ‘నాగార్జున మీడియాతో మాట్లాడ‌తారు..` అనేస‌రికి అదేదో ‘మ‌రీ ముఖ్య‌మైన విష‌యం’ అనుకుని భ్ర‌మ‌ప‌డిన పాత్రికేయుల‌కు ‘దేవ‌దాస్‌’ ప్రెస్ మీట్ అనేస‌రికి తెల్ల‌మొహాలేసేశారు. ‘నోటా’ ఎలాగూ కుటుంబ ప్రేక్ష‌కుల‌తో చూసే సినిమా కాదు. దానికి తోడు ఫ్లాప్ టక్ వ‌చ్చింది కాబ‌ట్టి ‘మా సినిమా మీరు మ‌రో ఆప్ష‌న్‌’ అంటూ… చెప్పుకునే ఛాన్స్ వ‌చ్చింది. ‘ఈ వీకెండ్ మీ పిల్ల‌ల‌తో క‌ల‌సి మా సినిమా చూడండి. త‌ప్ప‌కుండా ఎంజాయ్ చేస్తారు’ అని నాగార్జున మ‌రోసారి మైకు ప‌ట్టుకుని ఆహ్వానించేశారు. మొత్తానికి.. ఈ వీకెండ్ ‘దేవ‌దాస్కి’ కాస్త చోటు దొరికింది. అయితే… దాన్ని ఎంత వ‌ర‌కూ స‌ద్వినియోగం చేసుకుంటారో చూడాలి.