టాలీవుడ్లో మరో మల్టీస్టారర్కి రంగం సిద్ధమవుతోందా?? అవుననే అంటున్నాయి టాలీవుడ్ వర్గాలు. నాగార్జున, నాని కలసి ఓ సినిమాలో నటించే అవకాశాలున్నాయని టాక్. ఇటీవల ఓ యువ దర్శకుడు నాగ్ని కలసి ఓ కథ వినిపించాడట. అందులో మరో కీలక పాత్ర ఉందట. ఆ పాత్రలో హీరో స్థాయి నటుడు కనిపించాలి. ఆ పాత్ర నాని చేస్తే బాగుంటుందని నాగ్ సలహా ఇచ్చాడట. ఈ విషయంలో సదరు దర్శకుడు నానిని సంప్రదించాడని, అందుకు నాని కూడా ఓక చెప్పేశాడని గుసగుసలు వినిపిస్తున్నాయి. టాలీవుడ్లో ఓ రకరంగా మల్టీస్టారర్ సినిమాలకు శ్రీకారం చుట్టింది నాగార్జునే అనుకోవాలి. ఈ తరంలో నాని కూడా తరచుగా మరో హీరోతో కలసి నటించడానికి ఉత్సాహం చూపిస్తున్నాడు. రైడ్, నేను లోకల్, నిన్నుకోరి, ఎవడే సుబ్రహ్మణ్యం ఈ చిత్రాల్లో మరో హీరోతో కలసి తెరని పంచుకొన్నాడు. నాగ్తో సినిమా అంటే నాని నో చెప్పే ఛాన్సేలేదు.
నాగార్జున ‘రాజుగారి గది 2’ తుది దశకు చేరుకొంది. నాని చేతిలో రెండు సినిమాలున్నాయి. మరి వీరిద్దరూ కలిసి నటించే సినిమా ఎప్పుడు మొదలవుతుందో చూడాలి.
