అక్కినేని నాగార్జున అలియాస్ కింగ్ నాగార్జున ప్రస్తుతం సూపర్ ఫాంలో ఉన్నాడని చెప్పాలి. కుర్ర హీరోలకు థీటుగా సినిమాలు తీస్తూ సూపర్ హిట్స్ కొడుతున్న మన కింగ్ సీనియర్ స్టార్ హీరోల సినిమాల్లో 40 కోట్లు వసూళు చేసిన మొదటి హీరోగా రికార్డ్ సృష్టించాడు. ఇక సోగ్గాడు ఫలితంతో ఫుల్ హ్యాపీగా ఉన్న నాగ్ ప్రస్తుతం తను నటిస్తున్న ఊపిరి సినిమా కోసం మరింత కష్టపడుతున్నాడు.
వంశీ పైడిపల్లి దర్శకత్వంలో నాగార్జున, కార్తి కలిసి నటిస్తున్న మల్టీస్టారర్ మూవీ ఊపిరి. మార్చ్ 25న విడుదల తేదీని ప్రకటించిన ఈ చిత్ర యూనిట్ త్వరలో చిత్రీకరణ ముగించుకోనుంది. అయితే ఇటీవలే కార్తి, తమన్నాల షూట్ పూర్తవగా.. మరో రెండు రోజుల్లో నాగార్జున కూడా తన పార్ట్ కంప్లీట్ చేస్తున్నాడట. ఈ విషయాన్ని నాగ్ తన ట్విట్టర్ ద్వారా తెలిపారు. అంతేకాదు నాగ్ పార్ట్ కంప్లీట్ అయితే సినిమా దాదాపు పూర్తయినట్టే అట.
ప్రస్తుతం ఫుల్ క్రేజ్ మీదున్న నాగ్ చేస్తున్న పాత్ర ఏదైనా దానికి నూటికి నూరు పాళ్లు న్యాయం చేస్తున్నాడు.. అందుకే వరుస విజయాలను అందుకుంటున్నాడు. ఇక ఊపిరి విషయానికొస్తే హాలీవుడ్ సినిమా ఇన్ టచబుల్స్ కు అఫిషియల్ రీమేక్ గా పివిపి బ్యానర్ లో పరం వి పొట్లూరి సినిమాను నిర్మిస్తున్నారు.
