ప్రస్తుతం కింగ్ నాగార్జున హవా కొనసాగుతుంది అని చెప్పొచ్చు. మనం, సోగ్గాడే చిన్ని నాయనా సినిమాలతో సూపర్ హిట్ కొట్టిన నాగ్ మరో సూపర్ హిట్ సినిమాతో రాబోతున్నాడు. నాగ్, కార్తి కలిసి నటించిన ఊపిరి సినిమా ఆడియో నిన్న హైదరాబద్ అన్నపూర్ణ స్టూడియో ప్రత్యేకంగా జరిగింది. ఊపిరిలో వీల్ చైర్ లో కూర్చుని ఉండే నాగ్ సినిమా మొత్తం తాను చైర్ లోనే ఉన్నా తన మనసు మాత్రం పరుగెడుతూనే ఉంటుందని అన్నారు.

ఇక సాహసం శ్వాసగా సాగిపో అంటూ తనయుడు నాగ చైతన్య సినిమా పేరు లానే తను కూడా కెరియర్ లో గీతాంజలి, శివ, నిన్నే పెళ్లాడతా, అన్నమయ్య లాంటి ట్రెండ్ సెట్ సినిమాల్లో నటించి సాహసం చేశాను. అయితే ఊపిరి సినిమాలో నటించడం కూడా ఓ సాహసమే. ఈ సినిమా తనకో మంచి స్నేహితుడు, తమ్ముడిని ఇచ్చిందని అభిప్రాయపడ్డారు నాగార్జున. అంతేకాదు సినిమా సూపర్ హిట్ గ్యారెంటీ అనేస్తున్నారు కూడా.

నాగ్ ఇంత కాన్ఫిడెంట్ గా చెప్పాడంటే సినిమా కచ్చితంగా ప్రేక్షకులకు నచ్చుతుందనే చెప్పాలి. నాగార్జున, కార్తి లీడ్ రోల్ చేయగా తమన్నా హీరోయిన్ గా నటిస్తుంది. ప్రస్తుతం పోస్ట్ ప్రొడక్షన్ వర్క్ జరుపుకుంటున్న ఈ సినిమా మార్చ్ 25న రిలీజ్ చేసేందుకు సన్నాహాలు చేస్తున్నారు