రామ్గోపాల్ వర్మ తీసిన లేటెస్ట్ సిన్మా ‘ఆఫీసర్’. అందులో ఆఫీసర్గా నటించినది నాగార్జున. ఈ ఆఫీసరే వర్మను తన ఆఫీసు చుట్టూ తెగ తిప్పుకున్నాడు. ఓ నెలో… రెండు నెలలో కాదు, ఏకంగా ఏడాది పాటు తిప్పుకున్నాడు. కథ నచ్చినా… ఆ కథపై వర్మకు ఎంత ప్రేమ ఉందో తెలసుకోవడం కోసం తిప్పుకున్నాడు. నిజానికి, 2016 ఎండింగ్లోనే వర్మ ‘ఆఫీసర్’ కథను చెప్పాడని నాగార్జున తెలిపారు. కథ నచ్చినా వెంటనే ఓకే చెప్పకుండా వర్మను టెస్ట్ చేశార్ట. కథ నచ్చిన తరవాత రామ్గోపాల్ వర్మతో ‘‘నువ్విలా చెబుతావ్. మళ్ళీ మారతావ్. నాలుగు ఐదు నెలల తర్వాత రా. అప్పుడు కూడా ఇంతే ప్యాషన్తో కథ చెబితే చేద్దాం’’ అని నాగార్జున చెప్పార్ట! ఆయన చెప్పిస టైమ్కి మళ్ళీ వెళితే… ‘‘సెప్టెంబర్లో ఇదే ప్యాషన్తో కథ చెబితే సినిమా చేద్దాం’’ అన్నాడట! మళ్ళీ సెప్టెంబర్లో వెళితే… ‘‘కథంతా బాగా చెప్పావు కానీ… నేను మంచి సినిమాలు, నాకు నచ్చినవి చేయాలనుకుంటున్నా. సినిమాల మీదే పూర్తిగా దృష్టి పెట్టాలనుకుంటున్నా. నువ్వు దృష్టి పెట్టకుండా వేరే వేరే పనులు పెట్టుకొనేటట్లు అయితే వద్దు’’ అని క్లియర్గా చెప్పేశాని నాగార్జున తెలిపారు. అప్పుడు వర్మ సరేనంటే.. సినిమా స్టార్ట్ చేశార్ట! స్టార్ట్ చేసిన తరవాత తాను గనుక సరిగా చేయకపోతే తన్నమని వర్మ లెటర్ రాశార్ట!
వర్మను చుట్టూ తిప్పుకున్న ‘ఆఫీసర్’!
