ప్రస్తుతం అక్కినేని నాగార్జున ట్రెండ్ నడుస్తుంది అంటే నమ్మాలేమో.. మనం, సోగ్గాడె చిన్ని నాయనా సినిమాల సూపర్ సక్సెస్ ల తర్వాత నాగ్ చేస్తున్న మల్టీస్టారర్ మూవీ ఊపిరి త్వరలో రిలీజ్ కాబోతుంది. ఈ సినిమాకు సంబంధించిన ఫస్ట్ లుక్ పోస్టర్ కొద్దిరోజుల క్రితం రిలీజ్ అయ్యి అదుర్స్ అనిపించింది. ఇక ఈరోజు సాయంత్రం ఆ సినిమా 50 సెకన్ల టీజర్ ను రిలీజ్ చేశారు చిత్ర యూనిట్.
అనుకున్నట్టుగానే ఎంతో కలర్ఫుల్ గా కనిపిస్తున్న ఈ సినిమాలో నాగ్ వీల్ చైర్ లో కనిపించినా కేక పెట్టించేశాడు. ఇక కార్తి, తమన్నాల జంట అయితే మరోసారి ఆవారా సినిమాను గుర్తు చేస్తుంది. పివిపి బ్యానర్ లో పరం వి పొట్లూరి నిర్మిస్తున్న ఈ సినిమాను వంశీ పెడిపల్లి దర్శకత్వం వహిస్తున్నాడన్న సంగతి తెలిసిందే. రిలీజ్ అయిన టీజర్ అక్కినేని అభిమానుల నుండే కాదు సినిమాను అభిమానించే ప్రతి ఒక్కరి నుండి మంచి రెస్పాన్స్ వస్తుంది.
త్వరలో ఆడియో రిలీజ్ జరుపుకోనున్న ఈ సినిమా మార్చ్ 25న ప్రపంచవ్యాప్తంగా రిలీజ్ అవనుంది. మరి నాగ్, కార్తిల కలయికలో వస్తున్న ఈ సినిమా ఎలాంటి ఫలితాన్ని ఇస్తుందో చూడాలి.
