జనవరిలో సుకుమార్ శిష్యుడి సినిమా ఒకటి ప్రారంభమైంది. సానా బుచ్చిబాబును దర్శకుడిగా, మెగా మేనల్లుడు వైష్ణవ్తేజ్ను హీరోగా పరిచయం చేస్తూ.. మైత్రి మూవీ మేకర్స్ సంస్థతో కలిసి సుకుమార్ ఈ చిత్రాన్ని నిర్మిస్తున్నారు. ప్రస్తుతం చిత్రీకరణ జరుగుతుంది.
ఇదే నెలలో మరో శిష్యుణ్ణి దర్శకుడిగా పరిచయం చేయడానికి సుకుమార్ సిద్ధమవుతున్నారు. నాగశౌర్య కథానాయకుడిగా సుకుమార్ రైటింగ్స్ నిర్మాణంలో ఓ చిత్రం తెరకెక్కనుంది. దీంతో ‘రంగస్థలం’ చిత్రానికి రచయితగా పని చేయడంతో పాటు సుకుమార్ దగ్గర దర్శకత్వ శాఖలో పని చేసిన కాశి విశాల్ దర్శకుడిగా పరిచయం కానున్నారు.
నాగశౌర్య, కాశి కాంబినేషన్లో తెరకెక్కే సినిమా స్క్రిప్ట్ సిద్ధమైంది. ప్రస్తుతం ప్రీ ప్రొడక్షన్ వర్క చివరి దశలో వుంది. కథకు తుది మెరుగులు దిద్దుతున్నారు. ఈ నెలలో పూజా కార్యక్రమాలతో చిత్రాన్ని ప్రారంభించాలని అనుకుంటున్నారు. త్వరలో మరిన్ని వివరాలు వెల్లడి కానున్నాయి.
