క్రియేటివ్ డైరక్టర్ సుకుమార్ ఈ మధ్యనే తన రైటింగ్స్ బ్యానర్ లో ప్రొడక్షన్ హౌజ్ కూడా స్టార్ట్ చేశాడు. కుమారి 21ఎఫ్ తో సూపర్ హిట్ అందుకున్న సుకుమార్ తన తర్వాత సినిమా కోసం ప్రయత్నాలు చేస్తున్నాడట. ఇప్పటికే సుకుమార్ కథతో శర్వానంద్ సినిమా ఉందంటూ వార్తలు వస్తుంటే లేటెస్ట్ గా ఒక మనసు హీరో అదేనండి నాగశౌర్య కూడా సుకుమార్ నిర్మాణంలో ఓ సినిమా చేస్తున్నాడని టాక్. సుకుమార్ దగ్గర అసిస్టెంట్ గా పనిచేసిన అనుభవం, నాన్నకు ప్రేమతో లాంటి హిట్ సినిమాకు రచయితగా పనిచేసిన సుసేన్ షా కిరణ్ ఈ సినిమాను డైరెక్ట్ చేయబోతున్నాడట.
ఇప్పటికే ఈ సినిమాకు సంబందించిన కథా చర్చలు ముగిశాయట. ఇక చిత్రయూనిట్ ఎనౌన్స్ చేయడమే తరువాయి అంటున్నారు. రీసెంట్ గా వచ్చిన ‘కళ్యాణ వైభోగమే’తో హిట్ కొట్టిన నాగశౌర్య మరికొద్ది రోజుల్లో ‘ఒక మనసు’తో రాబోతున్నాడు. మెగా తనయురాలు నిహారిక హీరోయిన్ గా నటించిన ‘ఒక మనసు’ సినిమా మధురా శ్రీధర్, టివి-9 కలిసి నిర్మిస్తుండగా.. మల్లెల తీరంలో సిరిమల్లె పువ్వు దర్శకుడు రామరాజు ఈ సినిమాను డైరెక్ట్ చేస్తున్నారు.
