సోమవారం షూటింగ్ స్పాట్లోనే నాగశౌర్య కళ్లు తిరిగి పడిపోయిన సంగతి తెలిసిందే. ప్రస్తుతం ఆయన ఇంకా ఆసుపత్రిలోనే ఉన్నారు. వైద్యుల పర్యవేక్షణలో చికిత్స తీసుకొంటున్నారు. సోమవారం ఆయన ఓ సినిమా షూటింగ్ లో పాల్గొన్నారు. అదో యాక్షన్ సీన్. నాగశౌర్య సిక్స్ ప్యాక్ చూపించాల్సిన సీన్ అది. అందుకోసం నాగశౌర్య తీవ్రంగా కసరత్తులు చేయాల్సివచ్చింది. అంతే కాదు…నాలుగు రోజులుగా నీళ్లు కూడా ముట్టుకోలేదట నాగశౌర్య. సెట్కి వచ్చినప్పుడే నాగశౌర్య బాగా అలసటగా ఉన్నారని, ఆ నీరసంతోనే యాక్షన్ సీన్ చేయాల్సివచ్చిందని, ఆ ప్రభావంతో కళ్లు తిరిగి పడిపోయారని సన్నిహితులు చెబుతున్నారు. ఆయన్ఇ హుటాహుటిన స్థానిక ఆసుపత్రికి తరలించారు. శౌర్యకు వైరల్ ఫీవర్ ఎటాక్ అయ్యిందని వైద్యులు తెలిపారు. ఆయన ఇప్పటికీ నీరసంగానే ఉన్నారని సమాచారం. ఈనెల 20న శౌర్య పెళ్లి ఖాయమైన సంగతి తెలిసిందే. బెంగళూరులో అనూషతో శౌర్య వివాహం జరగబోతోంది. పెళ్లికి ఇంకా 5 రోజుల సమయం కూడా లేదు. ఇంతలోనే.. ఇలా జరగడంతో శౌర్య కుటుంబ సభ్యులు, సన్నిహితులు ఆందోళనలో ఉన్నారు.
నాగశౌర్య ఇంకా ఆసుపత్రిలోనే..!
