లవర్ బోయ్ పాత్రలకు అచ్చుగుద్దినట్టు సరిపోతాడు నాగశౌర్య. తన కెరీర్లో అలాంటి కథలే ఎక్కువ విజయాల్ని అందించాయి. అయితే… మాస్ హీరోగా నిరూపించుకోవాలన్నది నాగశౌర్య తాపత్రయం. అలాంటి కథలు ఎంచుకుంటున్నా – సరైన ఫలితాలు రాలేదు. అయితే ఆ ప్రయత్నాలు మాత్రం మానలేదు.
ఇప్పుడు తన ఫిట్ నెస్ పై నా దృష్టి పెట్టాడు శౌర్య. లాక్ డౌన్ సమయంలో షూటింగులన్నీ బంద్ అయ్యాయి. మళ్లీ సినిమాల హడావుడి ఎప్పుడు మొదలవుతుందో తెలీదు. ఈ సమయాన్ని శౌర్య బాగానే ఉపయోగించుకుంటున్నాడు. ఈ లాక్ డౌన్ సమయంలో రెండు కథల్ని ఓకే చేశాడు శౌర్య. కలం పట్టి ఓ స్క్రిప్టు కూడా పూర్తి చేశాడు. ఇప్పుడు తన ఫిట్ నెస్ పెంచుకుంటున్నాడు. జిమ్లో కండలు కరిగిస్తున్నాడు. కండలు పెంచుకుంటున్నాడు. జిమ్ లో నాగశౌర్య కసరత్తులు చేస్తూ ఓ వీడియో విడుదల చేశాడు. అందులో శౌర్య కండలు చూస్తుంటే `తను శౌర్యనేనా` అనిపిస్తోంది. మాస్ కథలకు పర్ఫెక్ట్ గా సెట్ అయ్యేలా తన బాడీ సిద్ధం చేసుకుంటున్నాడనిపిస్తోంది. బహుశా ఇప్పుడు కొత్తగా ఒప్పుకున్న రెండు సినిమాలూ.. మాస్, యాక్షన్ ఫార్ములానేనేమో. అందుకే ఇంత కసరత్తు. మొత్తానికి లవర్ బోయ్ కాస్త.. మాస్ హీరోగా మారడానికి సర్వం సిద్ధం చేసుకుంటున్నాడు. ఒక్క హిట్టు పడడమే బాకీ.
I dont stop when im tired, i stop when im done #staystrong #getfit #fitnessmotivation pic.twitter.com/yW9fST0Q9B
— Naga Shaurya (@IamNagashaurya) July 13, 2020
