‘ఖుషి’ తరవాత శివ నిర్వాణ సినిమా ఏమిటన్న విషయంలో ఇప్పుడొక స్పష్టత వచ్చింది. నాగచైతన్యతో ఆయన ఓ సినిమా చేయబోతున్నారు. ఈ కాంబోలో `మజిలి` వచ్చింది. మంచి విజయాన్ని అందుకొంది. ఇప్పుడు మరోసారి వీరిద్దరూ జట్టు కట్టబోతున్నారు. ఈ చిత్రాన్ని మైత్రీ మూవీస్ సంస్థ నిర్మించనుంది. ఇదో లవ్ స్టోరీ అని సమాచారం. శివ నిర్వాణ లవ్ స్టోరీల్ని బాగా రాసుకొంటాడు. ఆయన కెరీర్లో ఎక్కువగా కనిపించే కథలు అవే. ఇప్పుడు చైతూ కోసం కూడా అలాంటి కథ సిద్ధం చేశారని తెలుస్తోంది.
ప్రస్తుతం నాగ చైతన్య ‘తండేల్’ అనే సినిమాలో నటిస్తున్నారు. ఈ సంక్రాంతికి విడుదలయ్యే ఛాన్సుంది. అది మిస్సయితే… ఫిబ్రవరికి వస్తుంది. ఈ సినిమా కోసం చైతూ శారీరకంగా, మానసికంగా చాలా కష్టపడుతున్నాడు. ‘తండేల్’ తరవాత హాయిగా సాగిపోయే ఓ క్లాస్ సినిమా చేయాలన్నది చైతూ ఆలోచన. ఎందుకే ఈ ప్రాజెక్టుని ముందుకు తీసుకొచ్చినట్టు తెలుస్తోంది. ఈ చిత్రంలో జాన్వీ కపూర్ ని కథానాయికగా ఎంచుకొనే అవకాశాలు ఉన్నాయి. చైతూ – జాన్వీ కూడా ఇంట్రస్టింగ్ కాంబోనే. శ్రీదేవి అటు ఏఎన్నార్ తోనూ, ఇటు నాగ్ తో నూ నటించారు. ఆమె వారసురాలు అక్కినేని మూడో తరం హీరోతో జట్టు కట్టడం ట్రేడ్ పరంగా ఓ ఇంట్రస్టింగ్ పాయింట్. సో.. ఈ కాంబో దాదాపుగా సెట్టయ్యే అవకాశాలు ఉన్నాయి.
