మరో క్రికెటర్ బయోపిక్ వెండితెరపై సందడి చేయబోతుంది. లెజెండరీ క్రికెటర్ ముత్తయ్య మురళీధరన్ జీవితం తెరకెక్కుతోంది. ఇందులో విజయ్ సేతుపతి మురళిగా కనిపిస్తారని గతంలో వార్తలు వచ్చాయి. సివిల్ వార్ తో ముడిపడిన మురళీ కథకు విజయ్ సేతుపతి ఓకే చేశారని కూడా వార్తలు వెలువడాయి. అయితే మధ్యలో ఏం జరిగిందో కానీ ఈ బయోపిక్ నటుడు మారిపోయాడు. స్లమ్డాగ్ మిలియనీర్ ఫేం మధుర్ మిట్టల్ మురళి పాత్రలో కనిపిస్తునాడు.
ఎంఎస్ శ్రీపతి ఈ చిత్రానికి దర్శకుడు. ఈ రోజు మురళీ పుట్టిన రోజు కానుకగా ఫస్ట్ లుక్ ని కూడా లాంచ్ చేశారు. మురళీ కెరీర్ వివాదస్పదం. ఎన్ని రికార్డులు వున్నాయో అన్నీ వివాదాలు వున్నాయి. అతడి బౌలింగ్ యాక్షన్ నిరంతరం పరీక్షలని ఎదురుకునే సాగింది. అలాగే లంక సివిల్ వార్ సమయంలో మురళీ జర్నీ సాగింది. ఇదంతా తెరపై ఆసక్తికరమే. ఈ చిత్రానికి మురళీ తీసిన 800 వికెట్ల రికార్డుతో ”800” అనే టైటిల్ పెట్టారు.
