మురుగదాస్ కి టాలీవుడ్ కలసిరాలేదు. ఇక్కడ నేరుగా చేసిన స్టాలిన్, స్పైడర్ సినిమాలు బాక్సాఫీసు దగ్గర నిరాశ పరిచాయి. ఐతే తెలుగు హీరోలకు మురుగదాస్ పై నమ్మకం పోలేదు. గజని, తుపాకి, కత్తి లాంటి బ్లాక్ బస్టర్స్ ఇచ్చే సత్తా మురుగదాస్ లో వుంది. రామ్ చరణ్ తో గతంలో ఓ సినిమా కోసం చర్చలు జరిపారు మురుగదాస్. ఐతే అది వర్క్ అవుట్ కాలేదు. తాజా సమాచారం ఏమిటంటే.. అల్లు అర్జున్ తో మురుగదాస్ టచ్ లో వున్నారని తెలిసింది
అల్లు అర్జున్ పుష్ప సెకండ్ పార్ట్ చేయాలి. ఆ తర్వాత ఎలాంటి సినిమా ఉండాలనే దానికి అల్లు అర్జున్ అప్పుడే ఒక క్లారిటీ వున్నారు. ఆమధ్య మురుగదాస్ అల్లు అర్జున్ తో కలసి ఓ కథ చెప్పారు. ఈ పాయింట్ అల్లు అర్జున్ కి నచ్చింది. దర్బార్ తర్వాత కొత్త సినిమా ఏదీ సెట్స్ పైకి తీసుకెళ్లలేదు మురుగదాస్. ప్రస్తుతం ఓ రెండు కథలపై వర్క్ చేస్తున్నారు, అందులో అల్లు అర్జున్ కథ కూడా వుందని తెలిసింది. పుష్ప 2 తర్వాత మురుగదాస్ సినిమా సెట్స్ పైకి వెళ్ళే అవకాశాలు వున్నాయని తెలుస్తోంది. ఈ సినిమా కూడా పాన్ ఇండియా స్థాయిలో వుండబోతుందని సమాచారం.
