https://www.youtube.com/watch?v=DLN0iI1oRrQ
శ్రీలంక వెటరన్ క్రికెటర్, స్పిన్ మాంత్రికుడు ముత్తయ్య మురళీధరన్ జీవిత కథ ఆధారంగా ‘800’ అనే బయోపిక్ రాబోతుంది. ఇందులో మురళీధరన్ పాత్రను మాధుర్ మిత్తల్ పోషిస్తున్నారు. ఎం.ఎస్. శ్రీపతి దర్శకుడు. ఈ బయోపిక్ ట్రైలర్ బయటికొచ్చింది. క్రికెట్ తో పాటు మురళీ జీవితంలోని చాలా కోణాలని ట్రైలర్ లో చూపించారు. తమిళుల ఉద్యమంతో మొదలైన ట్రైలర్ మురళీధరన్ జీవితం, ఆటలోని ముఖ్యమైన ఘట్టాలతో ఉద్వేగభరితంగా సాగింది.
మురళీధరన్ కెరీర్లో కొన్ని వివాదాలు వున్నాయి. ఆతని బౌలింగ్ యాక్షన్ పై ముఖ్యంగా ఆసిస్ జట్టు చాలా ఆరోపణలు చేసింది. ఈ విషయంలో చాలా సార్లు పరీక్షలు ఎదురుకున్నాడు. ఒక దశలో తన కెరీర్ ముగిసిపోతుందని కూడా మాట్లాడుకున్నారు. కానీ అన్ని అడ్డంకులని దాటి ఒక లెజండరీ ప్లేయర్ గా నే క్రికెట్ కి ముగింపు పలికారు మురళీధరన్. ఈ జర్నీ అంతా బయోపిక్ లో వుందని ట్రైలర్ చూస్తే అర్ధమౌతుంది. మాధుర్ మిత్తల్, మురళీ పాత్రలో చక్కగా కుదిరాడు. దర్శకుడు శ్రీపతి మంచి గ్రౌండ్ వర్క్ చేసినట్లుగా అనిపించింది. తెలుగు లో ఈ సినిమాని ప్రముఖ సీనియర్ నిర్మాత శివలెంక కృష్ణ ప్రసాద్ సమర్పిస్తున్నారు.
