ఉంటే షారుఖ్ అయినా ఉండాలి, లేదంటే సెక్స్ అయినా ఉండాలి… అనేవారు, బాద్ షా హ‌వా కొన‌సాగుతున్న రోజుల్లో. షారుఖ్ మాటేమో గానీ, తెలుగు సినిమాల్లో శృంగారం మితి మీరుతోంది. ఓ వ‌ర్గాన్ని థియేట‌ర్ల‌కు ర‌ప్పించ‌డానికి ఇదే ప్ర‌ధాన అస్త్రం అని ద‌ర్శ‌క నిర్మాత‌లు భావిస్తున్నారు. చిన్న సైజు సినిమాల్లో శృంగారం మ‌రింత‌గా చొప్పిస్తున్నారు. ద‌ర్టీ హ‌రీ కూడా ఇదే బాప‌తు సినిమానేమో అనిపిస్తోంది ట్రైల‌ర్ చూస్తుంటే. ఎం.ఎస్ రాజు ద‌ర్శ‌క‌త్వం వ‌హించిన చిత్ర‌మిది. ట్రైల‌ర్ విడుద‌లైంది.

ద‌ర్టీ హ‌రి పేరుకి త‌గ్గ‌ట్టే థ‌ర్టీ థింగ్స్ క‌నిపిస్తున్నాయి. ముద్దులు, హ‌ద్దులు మీరిన శృంగారం…మేళ‌వించారు. జీవితంలో ఎద‌గాలంటే 4 సూత్రాల్ని ఫాలో అవ్వ‌డం త‌ప్ప‌ని స‌రి అని ఫీల్ అయ్యే హ‌రి అనే కుర్రాడి క‌థ ఇది. నెంబ‌ర్ వ‌న్ స్థానంలో ఉండాలంటే బాస్ కూతుర్ని ప‌టాయించ‌డం, స్నేహితుడి ప్రియురాల్ని లొంగ‌దీసుకోవ‌డం, త‌న‌తో హ‌ద్దులు మీర‌డం.. ఎక్సెట్రా.. ఎక్సెట్రా.. ఇదీ.. థ‌ర్టీ హ‌రీ.. క‌థాక‌మామిషూ. సునీల్ వాయిస్ ఓవ‌ర్ తో ట్రైల‌ర్ క‌ట్ చేశారు. త‌న ఫ‌న్నీ డైలాగ్ మాడ్యులేష‌న్ త‌ప్ప‌కుండా నచ్చుతుంది. ఈ సినిమా నిండా ముద్దులున్నాయ‌ని 2 నిమిషాల ట్రైల‌రే చెప్పేస్తోంది. గ‌న్ ఎక్క‌డ పెట్టి కాలిస్తే వెరైటీనో… ఫైన‌ల్ క‌ట్ లో చూపించారు. ఇంకెన్ని వింత‌లున్నాయో ఈ సినిమాలో? అన్న‌ట్టు ఈ సినిమాని ఓటీటీలో విడుద‌ల చేసే ఆలోచ‌న వుంది.