అధికారికంగా వైసీపీలో చేరిన మోహన్ బాబు.. జగన్మోహన్ రెడ్డి కోసం.. బ్యాటింగ్ ప్రారంభించారు. జగన్కు ఒక్క అవకాశం ఇవ్వండి..నిరూపించుకుంటాడని ఏపీ ప్రజలకు పిలుపునిచ్చారు. వైసీపీ ఆఫీసులో మీడియాతో మాట్లాడిన మోహన్ చంద్రబాబుపై తీవ్రంగా విమర్శలు గుప్పించారు. చంద్రబాబు కంటే ముందే నేను టీడీపీలో ఉన్నానని గుర్తు చేశారు. చంద్రబాబు పునాది కాంగ్రెస్ అన్నారు. ఎన్టీఆర్పై చంద్రబాబు పోటీ చేస్తానన్నారని గుర్తు చేశారు. చంద్రబాబు టీడీపీని లాక్కున్నారని చెప్పుకొచ్చారు. చంద్రబాబుది కుటుంబ పాలన చేస్తున్నారని.. దోచుకోవడానికి ఇసుకను కూడా వదల్లేదన్నారు.
ఎన్టీఆర్ కుటుంబ సభ్యులు అమాయకులు.. వారిని చంద్రబాబు మోసం చేశారని… ఆయన మాటలు నమ్మినవాడు ఎవడైనా మునగాల్సిందేనని శాపనార్ధాలు పెట్టారు. చంద్రబాబు కోసం టీడీపీలో ఎవరూ పనిచేయడం లేదన్నారు. ఎన్టీఆర్పై అభిమానంతోనే టీడీపీలో కొనసాగుతున్నారని మోహన్ చెప్పుకొచ్చారు. చంద్రబాబు… విషయంలో.. ఇప్పటికీ ఉన్నవీ.. లేనివీ చెప్పడానికి గత ఆరు నెలలుగా.. వైసీపీ… అన్ని రకాల అస్త్రాలను వాడేసింది. చివరికి సినిమాలు కూడా తీయించింది. ఇక చివరిగా మోహన్ బాబు మిగిలారు. ఆయన కూడా వచ్చి చంద్రబాబును విమర్శించేశారు. అయితే.. ఎప్పుడో జరిగిన విషయాలను ఇప్పుడు ఎందుకు తెరపైకి తెస్తున్నారో… ప్రజలు అర్థం కాకుండా ఉంటుందా..? తెలుగుదేశం పార్టీ చంద్రబాబు చేతుల్లోకి వెళ్లే సమయంలో.. మోహన్ బాబు కూడా కీలక పాత్ర పోషించారు.
ప్రస్తుతం వైసీపీలోనే ఉన్న లక్ష్మిపార్వతి.. అనేక ఇంటర్యూల్లో.. చంద్రబాబు కన్నా.. మోహన్ బాబునే ఎక్కువగా తిట్టింది. అప్పట్లో ఓ సందర్బంలో.. ఎన్టీఆర్ ఇంటి దగ్గరకు మోహన్ బాబు వెళ్తే… చెప్పులదో ఎన్టీఆర్ అభిమానులు దాడి చేశారని.. పత్రికల్లో వచ్చింది. ఆ సమయంలో.. పరిటాల రవి.. జాగ్రత్తగా.. బయటకు పంపారని కూడా చెప్పుకున్నారు. కానీ.. మోహన్ బాబు.. అవన్నీ తనకు తెలియదన్నట్లుగా.. చెప్పుకొచ్చి… అమాయకత్వం నటిస్తున్నారు. వైసీపీలో చేరితే అంతే కదా..!.
