అమెజాన్ ప్రైమ్ వీడియోని పాపులర్ చేసిన వెబ్ షోస్ లో ‘మీర్జాపూర్’ ముందువరుసలో వుంటుంది. ఈ వెబ్ సిరిస్ కి వున్న క్రేజే వేరు. అంత సెక్స్, వైలెన్స్, బ్యాడ్ లాంగ్వేజ్ అవసరమా ? అని విమర్శిస్తూనే రెండు సీజన్లని పిచ్చిపిచ్చిగా చూశారు వెబ్ ఆడియన్స్. ఇప్పుడు మూడో సీజన్ జులై 5 నుంచి స్ట్రీమింగ్ కానుంది. ఈ నేపథ్యంలో ట్రైలర్ వదిలారు.
ఎప్పటిలాగే ట్రైలర్ హింస, శృంగారం,రక్తపాతంతో నిండిపోయింది. మీర్జాపూర్ అంటేనే మున్నా గుర్తుకువస్తాడు. కానీ రెండో సీజన్ లోనే మున్నా పాత్రని ముగించారు. మూడో సీజన్ లో ఆ పాత్ర లేకపోవడం ఒక లోటే. అయితే ట్రైలర్ లో పంకజ్ త్రిపాఠి ఫ్యాన్స్ ని కూడా కాసేపు కంగారు పెట్టింది. ట్రైలర్ చివరికి వచ్చేవరకూ ఆయన పాత్రని చూపించలేదు. చివర్లో కొసమెరుపు అన్నట్లుగా ‘ఈసారి ఉత్తరాంచల్ చరిత్రలో ఎన్నడూలేనిది జరుగుతుంది’ అని చెప్పడం కాలిన్ భయ్యా ఫ్యాన్స్ కి జోష్ ఇచ్చింది.
