గౌరవం సినిమాతో తెరపై ఎంట్రీ ఇచ్చాడు అల్లు శిరీష్. ఆ సినిమా ఫట్టుమంది. కొత్త జంట ఓకే అనిపించుకొంది. ఈసారి ఎలాగైనా హిట్టు రుచి చవిచూడాల్సిందే అని డిసైడ్ అయ్యాడీ అల్లు హీరో. అందుకే శ్రీరస్తు శుభమస్తు సినిమాపై 100 % ఎఫెక్ట్ పెట్టాడట. ఆ సినిమా ఇంకా బయటకు రాకుండానే మరో సినిమా పట్టాలెక్కించేశాడు. ఎంవీఎస్రెడ్డి దర్శకత్వంలో ఇటీవల ఓ సినిమా కొబ్బరికాయ్ కొట్టుకొంది. ఇదో పునర్జన్మల నేపథ్యంలో సాగే ప్రేమకథ. ఇప్పుడు ఇంకో సినిమా కూడా మొదలెట్టేసేందుకు కసరత్తులు చేస్తున్నాడు. ఈ కొత్త సినిమాకి మల్లిడి వేణు దర్శకత్వం వహిస్తారు. కథ ఓకే అయిపోయింది. ఇప్పుడు హీరోయిన్ని కూడా ఫిక్స్ చేసినట్టు టాక్.
కృష్ణగాడి వీర ప్రేమగాథ సినిమాలో నాని సరసన నటించిన మెహరీన్ గుర్తొంది కదా? ఇప్పుడు ఆ కథానాయికనే అల్లు శిరీష్ పక్కన సెట్ చేశారట.
ఇది కూడా అర్బన్ నేపథ్యంలో సాగే ఓ లవ్ స్టోరీ అని తెలుస్తోంది. మరి శిరీష్ – మెహరీన్ ల జోడీ తెరపై ఎంత అందంగా కనిపిస్తుందో తెలియాలంటే ఇంకొన్ని రోజులు ఆగాలి.
