మేఘా ఆకాష్ గుర్తుందా? నితిన్ పక్కన ‘చల్ మోహన్రంగ’, ‘లై’ సినిమాల్లో నటించింది. ప్రస్తుతం తెలుగు సినిమాల్లో నటించడం లేదు కానీ తమిళంలో సినిమాలు చేస్తుంది. ‘అత్తారింటికి దారేది’ తమిళ్ రీమేక్లో సమంత క్యారెక్టర్ చేసింది. ఐదు రోజులైంది ఆ సినిమా విడుదలై. ఈ హీరోయిన్కి సోషల్ మీడియాలో ఫాలోయింగ్ బావుంది. ముఖ్యంగా ఇన్స్టాగ్రామ్లో.
ఇన్స్టాలో ఆమెను ఫాలో అవుతున్న వారి సంఖ్య ఏడు లక్షలు. సోమవారం రాత్రి ఎవరో మేఘా ఆకాష్ ఇన్స్టాగ్రామ్ అకౌంట్ హ్యాక్ చేశారు. రష్యాకి చెందిన ఒక కాస్మొటిక్ సర్జరీ హాస్పిటల్ను ప్రమోట్ చేయడం ప్రారంభించారు. హాట్ హాట్ ఫొటోలను అప్లోడ్ చేశారు. దాంతో మేఘా ఆకాష్ అవాక్కయ్యింది. తన ఇన్స్టాగ్రామ్ అకౌంట్ను ఎవరో హ్యాక్ చేశారని ట్వీట్ చేసింది. అందులో పోస్టులను పట్టించుకోవద్దని చెప్పింది. అకౌంట్ ఎవరు హ్యాక్ చేశారో తెలుసుకుని, మళ్లీ సెట్ రైట్ చేసే పనిలో మేఘా ఆకాష్ బ్యాక్ ఎండ్ టీమ్ వర్క్ చేస్తోందట!
