సెర్బియాలో నిమ్మగడ్డ ప్రసాద్ అరెస్ట్..! . ..
ఈ వార్త.. మామూలుగా అయితే.. బ్లాస్టింగ్ న్యూస్. ఓ వ్యాపారవేత్తను విదేశాల్లో అరెస్ట్ చేయడం అంటే.. అంత సామాన్యమైన విషయం కాదు. ఏదో పెద్ద నేరం చేసి ఉంటేనే.. అరెస్ట్ చేశారు. పైగా ఆయనపై ఇండియాలో కేసులు ఉన్నప్పటికీ… విదేశాల్లో .. అదీ విదేశీ పోలీసులు అరెస్ట్ చేయాల్సిన అవసరం ఉండదు. అక్కడ అరెస్టయ్యారంటే.. దేశం పరువు తీసే పని ఏదో చేసినట్లే భావించాలి. కానీ.. తెలుగు మీడియా.. ఆయనకు.. అత్యంత గౌరవం ఇచ్చింది. ఈ న్యూస్ను టీవీ ప్రేక్షకులు చూసీచూడనట్లు ఇచ్చారు. కొన్ని చానళ్లలో అసలు రాలేదు. శివాజీకి ఉన్నంత విలువ.. ఈ వార్తకు లేదు. నిమ్మగడ్డకు అత్యంత గౌరవం ఇచ్చారు.
మామూలుగా చిన్న చిన్న విషయాల్లో మీడియా చేసే హడావుడి చాలా ఎక్కువగా ఉంది. ఓ వ్యక్తిని దుబాయ్ ఎయిర్ పోర్ట్ నుంచి వెనక్కి పంపేశారంటే.. గంటల తరబడి కథనాలు ప్రసారం చేసిన మీడియా తెలుగులో ఉంది. నిమ్మగడ్డ విషయంలో మాత్రం.. మీడియా సంయమనం పాటించింది. సెర్బియా పోలీసులు.. నిమ్మగడ్డ ప్రసాద్ను అరెస్ట్ చేశారని ఖచ్చితమైన సమాచరం తెలిసిన తర్వాత .. మొహమాటానికి మాత్రం.. టీవీ9 ఓ సారి చెప్పింది. తర్వాత అది కూడా లేదు. అదే సాక్షి టీవీలో అయితే.. దీనిపైన కనీస సమాచారం కూడా లేదు. నిమ్మగడ్డ ప్రసాద్ వ్యవహారం మాత్రం దేశ ప్రతిష్టకు సంబంధించిన ఆయన రస్ అల్ ఖైమా అనే ఓ దేశాన్నే మోసం చేశారు. పెట్టుబడులు తీసుకుని.. ఇప్పుడు తనకు సంబంధం లేదంటున్నారు. ఈ కేసులో.. తీగ లాగితే.. ఎన్నో డొంకలు బయటపడతాయి. ఇలాంటి కేసు విషయంలో… హడావుడి చేయాల్సిన మీడియా… సైలెంటయిపోయింది.
పారిశ్రామికవేత్తలు, రియల్ ఎస్టేట్ వ్యాపారుల చేతుల్లోకి వెళ్లిన తెలుగు ఎలక్ట్రానిక్ మీడియా వికృతరూపంలో.. మంగళవారం మరోసారి బయట పడినట్లయింది. తమకు ఇష్టం లేని వ్యక్తుల్ని టార్గెట్ చేయడానికి.. ఇష్టారాజ్యంగా వాడుకుకుంటున్న సదరు.. పారిశ్రామికవేత్తలు, రియల్ ఎస్టేట్ మీడియా… నిమ్మగడ్డ నిజంగా.. సెర్బియాలో అరెస్టయినప్పటికీ.. చెప్పడానికి మొహమాట పడింది. ఆయనతో.. ఆయా మీడియా యజమానులకు ఉన్న వ్యాపార ఒప్పందాలు, ముఖ పరిచయాలు.. అంతకు ముందు జరిగిన తెర వెనుక లావాదేవీలు దీనికి కారణం అయి ఉండవచ్చు. అదే నిజమైతే.. తెలుగు మీడియా ఇక ప్రైవేటు వ్యాపారుల ప్రయోజనాల కోసమే.. పూర్తి స్థాయిలో పని చేస్తున్నట్లుగా భావించాలి. అంటే తెలుగు మీడియాకు అర్థం మారిపోయినట్లే..!
