చిన్న సినిమాల నుంచి ఒక్కొక్క మెట్టూ ఎదుగుతూ ఈరోజు వెంకటేష్తో సినిమా తీసే స్థాయికి చేరాడు మారుతి. ఆయన ఎలాంటి సినిమాలు తీశాడు? ఎలాంటి ఇమేజ్ సంపాదించాడు? అనే విషయాన్ని పక్కన పెడితే మారుతి పేరు ఓ బ్రాండయ్యింది. అది ఒప్పుకొని తీరాల్సిందే. నాని నుంచి వెంకటేష్కి ఎదిగిన మారుతి… ఈ సినిమా హిట్టయితే మాస్ హీరోతో సినిమా తీస్తాడనుకొన్నారంతా. బాబు బంగారం యావరేజ్ అయినా.. రవితేజలాంటి హీరోని పట్టుకోవడానికి మారుతి పెద్దగా కష్టపడక్కర్లెద్దు. ఒకవేళ.. బాబు బంగారం సూపర్ హిట్టయిపోతే మారుతికి బన్నీ లాంటి స్టార్ కూడా దొరికిపోవొచ్చు. అయితే మారుతి మాత్రం.. మళ్లీ ఇప్పుడు ఓ కొత్త హీరోతో సినిమా చేయబోతున్నాడట. అదే.. కాస్త షాకిచ్చే విషయం.
నువ్విలా, జీనియస్ సినిమాలతో తెరపైకొచ్చాడు హవీష్. తనతో యూవీ క్రియేషన్స్ ఓ సినిమా చేయబోతోంది. దానికి మారుతి దర్శకుడని టాక్. హవీష్ చేసిన వన్నీ ఫ్లాప్ సినిమాలే. అలాంటప్పుడు హవీష్ బ్యాగేజీ మారుతి ఎందుకు తలకెక్కించుకొంటున్నాడో అర్థం కావడం లేదు. ఒకవేళ హవీష్తో సినిమా తీస్తే.. అది ఫ్లాప్ అయితే అది మారుతి కెరీర్పై విపరీతమైన ప్రభావం చూపిస్తుంది. దాన్ని కూడా పట్టించుకోకుండా ఈ రాంగ్ స్టెప్ ఎందుకేస్తున్నాడో?? యువీ క్రియేషన్స్ మారుతికి మంచి రెమ్యునరేషన్ ఆఫర్ చేసింది. అందుకే… ఆ సినిమా ఒప్పుకొన్నాడని ఓ టాక్ వినిపిస్తోంది. పారితోషికం కోసం ఫ్లాప్ హీరోతో సినిమా చేయాలా?? డేంజర్ జోన్లో కావాలని అడుగుపెట్టడం అంటే ఇదే కదా? ఏంటో.. మారుతి కాన్సెప్ట్ ఏంటో అస్సలు అర్థం కావడం లేదు.
