మూవీ ఆర్టిస్ట్స్ అసోసియేషన్ ఎన్నికల్లో నందమూరి బాలకృష్ణ తనకు మద్దతు ప్రకటించినట్లుగా మంచు విష్ణు ట్వీట్ చేసుకున్నారు. దీనికి సాక్ష్యంగా బాలకృష్ణతో దిగిన మూడు ఫోటోల్ని పోస్ట్ చేశారు. నన్ను ఆశీర్వదించి, మా ప్రెసిడెంట్గా నాకు మద్ధతు ఇచ్చినందుకు ధన్యవాదాలు బాల అన్న అంటూ విష్ణు ట్వీట్ చేశారు. మంచు విష్ణు అఖండ షూటింగ్ సెట్కు వెళ్లినట్లుగా తెలుస్తోంది.
అయితే తాను మంచు విష్ణుకు మద్దతు ఇచ్చినట్లుగా బాలకృష్ణ వైపు నుంచి ఎలాంటి అధికారిక ప్రకటన రాలేదు. వచ్చే అవకాశం కూడా లేదని అంచనా వేస్తున్నారు. మంచు విష్ణు కూడా ఇలా నేరుగా బాలకృష్ణ మద్దతు ఇస్తున్నారని చెప్పుకోకుడంా ఆశీర్వదించారని చెప్పుకుంటే బాగుండేదన్న అభిప్రాయం ఇండస్ట్రీలోని కొంత మందిలో ఉంది. అలా ఓ ప్యానల్కు స్టార్ హీరోలు మద్దతిచ్చే సంప్రదాయం లేదంటున్నారు. చిరంజీవి టీం ప్రకాష్ రాజ్ సపోర్ట్గా ఉన్నప్పటికీ ఆయన బహిరంగంగా ఆ విషయం చెప్పలేదని గుర్తు చేస్తున్నారు.
అలాగే ప్రకాష్ రాజ్ టీం కూడా గౌరవంగా చిరంజీవి అందరి వాడనే ప్రకటిస్తున్నారని అంటున్నారు. అయితే విష్ణు మాత్రం ఈ విషయంలో అడ్వాంటేజ్ తీసుకున్నారని భావిస్తున్నారు. అక్టోబర్ 10న మా ఎన్నికలు జరుగనున్నాయి. అదే రోజు కౌంటింగ్ జరగనుంది. ప్రకాష్ రాజ్- మంచు విష్ణు ప్యానల్ మధ్య హోరాహోరీగా పోరాటం సాగుతోంది.
