గత కొన్నాళ్ళుగా మంచు మనోజ్ కి హిట్లు లేవు. సినిమాలు కూడా బాగా తగ్గాయి. అటాక్ , శౌర్య చిత్రాలు తీవ్రంగా నిరాశ పరిచాయి. ఈమధ్య మాస్ జపం చేస్తూ వచ్చిన గుంటూరోడు చిత్రం కూడా ఫ్లాప్ ఫోల్డర్ లోకి వెళ్ళిపోయింది. ఇప్పుడు మనోజ్ చేతిలో వున్నఏకైక చిత్రం ‘ఒక్కడు మిగిలాడు’.అజయ్ నూతక్కి అనే యువ దర్శకుడు దర్శకత్వం వహిస్తున్న చిత్రమిది. ఈ రోజు మనోజ్ పుట్టిన రోజు కానుకగా ఈ సినిమా కొత్త పోస్టర్ ఒకటి వదిలారు. మనోజ్ కెరీర్ లో ద్విపాత్రాభినయం చేస్తున్న తొలి చిత్రమిది. ఎల్.టి.టి.ఈ మిలిటెంట్ చీఫ్గా, ఒక విద్యార్థి నాయకుడిగా ఇందులో కనిపించబోతున్నాడు మనోజ్.
ఈ సినిమా కోసం చాలా శ్రమించాడు మనోజ్ . మిలిటెంట్ పాత్ర కోసం మనోజ్ బరువు పెరిగి, విద్యార్థి పాత్ర కోసం 15 కిలోల బరువు తగ్గి నటించాడట. వార్ బ్యాక్ డ్రాప్ లో వస్తున్న ఈ చిత్రం సరికొత్తగా ఉటుందని యూనిట్ చెబుతోంది. మనోజ్ కచ్చితంగా ఓ హిట్ పడాలి. ఇప్పుడున్న యువ హీరోల రేసులో వెనకబడిపోయాడు మనోజ్. మళ్ళీ స్వింగ్ లోకి రావాలంటే హిట్ కంపల్సరీ. ఆ హిట్ ‘ఒక్కడు మిగిలాడు’ తో వస్తుందని ఆశలు పెట్టుకున్నాడు మనోజ్. మరి ఈ సినిమా ఎలాంటి ఫలితాన్ని ఇస్తుందో చూడాలి.
