మూడేళ్లుగా మంచు మ‌నోజ్ నుంచి సినిమాలేం రాలేదు. అయితే ఇప్పుడు మ‌ళ్లీ క‌థ‌ల‌పై దృష్టి పెట్టాడు. ఎం.ఎం. ఆర్ట్స్ అనే పేరుతో ఓ సంస్థ‌ను స్థాపించాడు. త్వ‌ర‌లోనే ఓ సినిమా రాబోతోంద‌ని చాలా రోజుల క్రితం నుంచే హింట్ ఇస్తూ వ‌చ్చాడు. ఇప్పుడు ఓ చిత్రాన్ని అధికారికంగా ప్ర‌క‌టించాడు. టైటిల్ కూడా చెప్పేశాడు. అదే `అహం బ్ర‌హ్మ‌స్మి`. ఈ సారి పాన్ ఇండియా రేంజ్‌లో త‌న సినిమాని విడుద‌ల చేస్తానంటున్నాడు మ‌నోజ్‌. తెలుగు, హిందీతో పాటు అన్ని ద‌క్షిణాది భాష‌ల్లోనూ ఈ చిత్రాన్ని విడుద‌ల చేస్తామ‌ని మ‌నోజ్ చెప్పాడు. మార్చి 6న షూటింగ్ మొద‌ల‌వ్వ‌నుంది. ఈ సినిమాతో శ్రీ‌కాంత్ ఎన్‌.రెడ్డి దర్శ‌కుడిగా ప‌రిచ‌యం అవుతున్నారు. ప్ర‌స్తుతం క‌థానాయిక‌, ఇత‌ర ప్ర‌ధాన పాత్ర‌ధారుల ఎంపిక జ‌రుగుతోంది. పూర్తి వివ‌రాలు త్వ‌ర‌లో తెలుస్తాయి.