అడవి శేష్ నటిస్తున్న తొలి పాన్ ఇండియా సినిమా `మేజర్`. మహేష్ బాబు ఒకానొక నిర్మాత కావడంతో ఈ సినిమాపై మరింత క్రేజ్ పెరిగింది. ఇప్పటికే… ఓవర్సీస్ రైట్స్ రూపంలో `మేజర్`కి భారీ మొత్తం వచ్చింది. ఇప్పుడు హిందీ శాటిలైట్ కీ మంచి గిరాకీ ఏర్పడింది. హిందీ శాటిలైట్ డీల్ ని రూ.10 కోట్లకు క్లోజ్ చేసింది చిత్రబృందం. ఈ విషయాన్ని అధికారికంగానూ ప్రకటించింది. జులై 2న ఈ సినిమాని విడుదల చేద్దామనుకున్నారు. కానీ.. కరోనా పరిస్థితుల దృష్ట్యా వీలు కాలేదు. `మేజర్`కి సంబంధించిన మరో షెడ్యూల్ బాకీ ఉంది. త్వరలోనే ఆ షెడ్యూల్ పూర్తి చేస్తారు. ఆగస్టు లో ఈ చిత్రం ప్రేక్షకుల ముందుకు వచ్చే అవకాశం వుంది. సాహి కిరణ్ తిక్క దర్శకత్వం వహిస్తున్నారు. ఎన్ఎస్జీ కమాండో ఉన్ని కృష్ణన్ జీవితాన్ని ఆధారంగా తీసుకుని తెరకెక్కిస్తున్నార. ఆ పాత్రలో… అడవిశేష్ కనిపించనున్నాడు. శోభితా ధూళిపాళ, ప్రకాష్ రాజ్, రేవతి, మురళీ శర్మ కీలక పాత్రధారులు
‘మేజర్’ హిందీ శాటిలైట్@ 10 కోట్లు
