మహేష్ బాబు చాలా జాగ్రత్త పరుడు. తన తొలి ప్రాధాన్యం… కుటుంబానికే. కరోనా సమయంలో.. మహేష్ చాలా కేర్ తీసుకున్నాడు. మిగిలిన హీరోలంతా షూటింగులకు వచ్చినా, మహేష్ రాలేదు. సర్కారు వారి పాట షూటింగ్ ఆలస్యం అవుతూ ఉండడానికి మహేష్ తీసుకున్న ముందు జాగ్రత్త లే కారణం. ఇప్పుడు కరోనా సెకండ్ వేవ్ ఉధృతంగా ఉంది. అందుకే గోవాలో షూటింగ్ ని కాన్సిల్ చేసేశాడు మహేష్. హైదరాబాద్లోనూ.. కరోనా కేసులు పెరుగుతున్న వేళ… `సర్కారు వారి పాట` కొత్త షెడ్యూల్ మొదలవ్వడం కష్టమే అనుకున్నారు.
అయితే అనూహ్యంగా ఉగాది రోజు నుంచి కొత్త షెడ్యూల్ కి శ్రీకారం చుట్టారు. నెలాఖరు వరకూ హైదరాబాద్ లోనే షూట్ చేయాలని ఫిక్సయ్యారు. ఈసారి మహేష్నే… `త్వరగా ఫినిష్ చేద్దాం` అని ఆర్డర్ వేశాడట. దానికి కారణం.. త్రివిక్రమ్. ఎన్టీఆర్ తో చేయాల్సిన సినిమాని పక్కన పెట్టి, మహేష్ తో ప్రాజెక్టు చేయడానికి ఫిక్స్ అయ్యాడు త్రివిక్రమ్. `సర్కారు వారి పాట` అయ్యేంత వరకూ త్రివిక్రమ్ ఖాళీగా ఉండాలి. త్రివిక్రమ్ సినిమాకీ, ఆ తరవాత రాజమౌళి సినిమాకీ పెద్దగా గ్యాప్ ఉండదు. అందుకే.. సర్కారు వారి పాట ని వీలైనంత త్వరగా పూర్తి చేయాలని మహేష్ నిర్ణయించుకున్నాడని తెలుస్తోంది. అందుకే కరోనా కేసులు ఎక్కువైనా.. ఈసారి మహేష్ రిస్క్ చేయాల్సివచ్చింది.
