టాలీవుడ్ లో మ‌రో విషాదం చోటు చేసుకుంది. నిర్మాత‌, ఈస్ట్ కోస్ట్ ప్రొడ‌క్ష‌న్ అధినేత మ‌హేష్ కోనేరు మృతి చెందారు. ఈరోజు ఉద‌యం విశాఖ‌ప‌ట్నంలో గుండెపోటుతో ఆయ‌న మ‌ర‌ణించారు. ఎన్టీఆర్‌, క‌ల్యాణ్ రామ్‌ల‌కు ఆయ‌న పీఆర్వోగా ప‌నిచేశారు. ఆ త‌ర‌వాత నిర్మాత‌గా మారారు. `నా నువ్వే`, `118`, `మిస్ ఇండియా`, `తిమ్మ‌రుసు` చిత్రాల్ని నిర్మించారు. ఇప్పుడు మ‌రో రెండు మూడు సినిమాలు ప్లానింగ్ లోఉన్నాయి. పీఆర్వోగా అనేక విజ‌య‌వంత‌మైన చిత్రాల‌కు ప‌నిచేసిన మ‌హేష్‌.. జ‌ర్నలిస్టుగా తన ప్ర‌యాణం ప్రారంభించారు. `క‌ల్యాణ వైభోగ‌మే` చిత్రంలో న‌టించారు కూడా. ప్ర‌స్తుతం నాగశౌర్య‌తో ఓ సినిమా ప్లాన్ చేస్తున్నారు. ఆ సినిమా ప‌నుల నిమిత్తం విశాఖ‌ప‌ట్నంలో ఉన్నారు. ఈరోజు ఉద‌యం గుండెపోటు రావ‌డంతో మృతిచెందారు. నిర్మాత‌ల‌కు, పాత్రికేయుల‌కు చిర ప‌రిచితుడైన మ‌హేష్ మ‌ర‌ణం… షాకింగ్ విష‌య‌మే.