‘మ‌హ‌ర్షి’ ప్రీ రిలీజ్ ఫంక్ష‌న్లో మ‌హేష్ బాబు సుకుమార్ కి ఇచ్చిన కౌంట‌ర్ గుర్తింది క‌దా? ‘వంశీ నా గురించి రెండేళ్లు ఆగాడు. ఈరోజుల్లో అలా ఆగ‌డం చాలా క‌ష్టం. రెండు నెల‌లు ఆల‌స్య‌మైనా ఆ క‌థ‌ని మ‌రో హీరో ద‌గ్గ‌ర‌కు ప‌ట్టుకెళ్లిపోతున్నారు’ అంటూ.. ఇన్‌డైరెక్ట్‌గా సుకుమార్‌పై కౌంట‌ర్ వేశాడు. ఇప్పుడు ఈ స్టేట్‌మెంట్‌పై వివ‌ర‌ణ ఇచ్చాడు మ‌హేష్. `మ‌హ‌ర్షి` ప్ర‌మోష‌న్ల‌లో భాగంగా మ‌హేష్ బాబు మీడియా ముందుకొచ్చాడు. ఈ సంద‌ర్భంగా సుకుమార్ కి ఇచ్చిన కౌంట‌ర్ ప్ర‌శ్న‌గా ఎదురైంది. దానిపై మ‌హేష్ స్పందించాడు.

వంశీని తాను పొగిడాన‌ని, సుకుమార్ ని ఏమీ అన‌లేద‌ని, మీడియా ఆ స్టేట్‌మెంట్‌లో అర్థాలు వెతకద్దని అంటున్నాడు మ‌హేష్. సుకుమార్ త‌న‌కు `నేనొక్క‌డినే` అనే మంచి సినిమా ఇచ్చాడ‌ని, త‌న‌నెప్పుడూ గుర్తు పెట్టుకుంటాన‌ని, తామిద్ద‌రం ఓ సినిమా చేద్దామ‌నుకున్నామ‌ని, అయితే ఇప్పుడున్న ప‌రిస్థితుల్లో సేఫ్ జోన్‌లోంచి బ‌య‌ట‌కు వ‌చ్చి, ఎంట‌ర్‌టైన్‌మెంట్ సినిమా చేయాల‌న్న ఉద్దేశంతోనే అనిల్ రావిపూడి క‌థ‌కు ఓకే చెప్పాన‌ని, ఈలోగా సుకుమార్ మ‌రో సినిమా చేసి వ‌స్తాన‌న్నాడ‌ని, తామిద్ద‌రం క‌ల‌సి మాట్లాడుకున్నామ‌ని, ఈ స‌మ‌స్య స‌ద్దుమ‌ణిగింద‌ని చెప్పాడు. సో.. త్వ‌ర‌లోనే సుకుమార్‌తో మ‌హేష్ ఓ సినిమా చేస్తాడ‌న్న‌మాట‌.