ఈ సంక్రాంతి బ‌రి నుంచి స‌ర్కారు వారి పాట త‌ప్పుకుంది. జ‌న‌వ‌రి 14న ఈ చిత్రాన్ని విడుద‌ల చేద్దామ‌నుకున్నారు. కానీ.. జ‌న‌వ‌రి 7న ఆర్‌.ఆర్‌.ఆర్ వ‌స్తోంది. ఆ త‌రవాత రాధేశ్యామ్ ఎలాగూ ఉంది. అందుకే ఇప్పుడు స‌ర్కారు వారి పాట వెనుక‌డుగు వేసింది. ఈచిత్రాన్ని మార్చి 31న గానీ, ఏప్రిల్ 1న గానీ విడుద‌ల చేయ‌నున్నారు. ఈ సాయింత్రం అఫీషియ‌ల్ ప్ర‌క‌ట‌న రాబోతోంది. మ‌హేష్ బాబు – ప‌ర‌శురామ్ కాంబినేష‌న్ లో రూపుదిద్దుకున్న చిత్ర‌మిది. కీర్తి సురేష్ క‌థానాయిక‌. సంక్రాంతి సీజ‌న్ మ‌హేష్ కి బాగా అచ్చొచ్చింది. అందుకే.. ఈ సంక్రాంతికీ త‌న సినిమా విడుద‌ల చేద్దామ‌నుకున్నాడు. కానీ ఆర్‌.ఆర్‌.ఆర్ వ‌ల్ల ప్లాన్ మారింది. భీమ్లా నాయక్ కూడా సంక్రాంతి బ‌రి నుంచి త‌ప్పుకుంద‌ని టాక్ వినిపిస్తోంది. కానీ అఫీషియ‌ల్ గా మాత్రం ఇప్ప‌టి వ‌ర‌కూ చెప్ప‌లేదు.