సూపర్స్టార్ కృష్ణ పుట్టిన రోజు సందర్భంగా బుధవారం స్పైడర్ టీజర్ని విడుదల చేయాలనుకొంది చిత్రబృందం. అయితే… ఇప్పుడు టీజర్ ని విడుదలని వాయిదా వేసింది చిత్రబృందం. దాసరి మరణంతో చిత్రసీమ మొత్తం విషాదంలో మునిగిపోయింది. దాంతో స్పైడర్ ఫస్ట్ లుక్ని కూడా వాయిదా వేస్తున్నట్టు చిత్రబృందం ప్రకటించింది. అయితే.. గురువారం నాడు.. స్పైడర్ టీజర్ చూడొచ్చు. బుధవారం కృష్ణ పుట్టిన రోజు వేడుకల్నీ రద్దు చేసినట్టు కుటుంబ సభ్యులు తెలిపారు.
షూటింగులకు సెలవు
దాసరి మృతికి సంతాప సూచకంగా చిత్రసీమ మూడు రోజులు సంతాప దినాలుగా ప్రకటించింది. బుధవారం థియేటర్లు మూసివేయాలని చిత్రసీమ నిర్ణయించుకొంది. పవన్ – త్రివిక్రమ్ కాంబినేషన్లో తెరకెక్కుతున్న సినిమా దాసరి మరణానికి సంతాప సూచకంగా మూడు రోజుల పాటు విరామం ప్రకటించింది. మిగిలిన చిత్రాలూ అదే దారి పట్టే అవకాశాలున్నాయి.
