సూపర్ స్టార్ మహేష్ ప్రస్తుతం బ్రహ్మోత్సవం సినిమా షూట్లో బిజీగా ఉన్నాడు. అయితే మహేష్ తన తర్వాత సినిమా ఎవరితో చేస్తాడు అన్నది ఇంకా కన్ ఫ్యూజన్ రేంజ్లోనే ఉంది. ఓ పక్క మురుగదాస్ సినిమాకు హీరోయిన్ కూడా ఫైనల్ అని న్యూస్ వస్తుంటే మరోవైపు శేఖర్ కమ్ముల తన తర్వాత సినిమా మహేష్ తో చేస్తానని అంటున్నాడు. ఓ పక్క పూరి కూడా ఎనిమీ అంటూ మహేష్ తో సినిమా చేస్తా అంటున్నాడు. పూరి వరుణ్ తేజ్ సినిమా అయిపోగానే మహేష్ తో ఫిక్స్ చేసుకుంటున్నాడు.
వినాయక్ కూడా మహేష్ తో 100 కోట్ల ప్రొడ్యూసర్ దొరికాడని తెగ సంబరపడుతున్నాడు. మరి ఇంతమంది మహేష్ తో పోటీ పడుతున్న ఈ తరుణంలో మహేష్ ఎవరికి ఓటేస్తాడనేది ఇప్పుడ్ హాట్ టాపిక్ అయ్యింది. కాని ఎంతమంది లైన్లో ఉన్నా మురుగదాస్ తోనే మహేష్ తన సినిమా ఉంటుందని గట్టిగా వినిపిస్తుంది. తెలుగు తమిళ్ భాషల్లో ఆ సినిమా ఉండబోతుందని అంటున్నారు.
