జయసుధని సహజనటి అని పిలుస్తుంటారు. ఆమె ఎక్కడా నటిస్తున్నట్టు అనిపించదు. పాత్రలో ప్రవర్తిస్తున్నట్టు అనిపిస్తుంది. దశాబ్దాల అనుభవం ఆమె సొంతం. జయసుధ కి సెంటిమెంట్ సీన్ ఇచ్చారంటే కన్నీళ్లు తెప్పించడం ఖాయం. అలాంటి జయసుధ చేతే కంటతడి పెట్టించడం అంటే మామూలు విషయం కాదు. కానీ… మహేష్బాబు జయసుధతోనే కన్నీళ్లు తెప్పించాడట. అదీ.. బ్రహ్మోత్సవం క్లైమాక్స్ సీన్లో. ఈ విషయం జయసుధే స్వయంగా బ్రహ్మోత్సవం ఆడియో ఫంక్షన్లో చెప్పింది.
బ్రహ్మోత్సవం పతాక సన్నివేశాల్లో మహేష్ అద్భుతంగా నటించాడు. ఓచోట.. నాకే కన్నీళ్లు తెప్పించాడు. సెట్లో కన్నీళ్లు పెట్టుకొని చాలాకాలమైంది. హ్యాట్సాఫ్ టూ మహేష్.. అంటూ ప్రిన్స్ని కీర్తించింది జయసుధ. ఇన్నేళ్ల అనుభవం ఉన్న జయసుధే సెట్లో కన్నీళ్లు పెట్టుకొందంటే.. ఇక థియేటర్లో ఆసీన్కి ఆడియన్స్ కర్చీఫ్లు తడుపుకోవాల్సిందే. మరి మహేష్ ఆ సీన్ని ఏ రేంజ్లో పండించాడో తెలియాలంటే మే 20 వరకూ ఆగాలి. బ్రహ్మోత్సవం వచ్చేది అప్పుడే కదా??
