మారుతి – శర్వానంద్ మహానుభావుడు ఈనెలలోనే విడుదలకు సిద్దం అవుతోంది. ట్రైలర్ చూస్తుంటే కథ అర్థమైపోతోంది. అంతకంటే ముందే.. టీజర్లో చూచాయిగా కథ చెప్పేశాడు మారుతి. అతి శుభ్రత ఉన్న వ్యక్తి కి తన జీవితంలో ఎదురైన పరిణామాలేంటి?? ప్రేమించిన అమ్మాయితో ఎదురైన సమస్యేంటి?? అనేదే కథ. చివరికి మనసులు, మనుషుల గొప్పదనం తెలుసుకోవడంతో కథ ముగుస్తుంది. అయితే.. మలయాళ చిత్రం నార్త్ 24 కథాయం అనే సినిమా కథ కూడా ఇంచుమించు ఇలానే ఉంటుంది. అందులో హీరోకీ ఇలానే శుభ్రత అనే వీక్ నెస్ ఉంటుంది. కథానాయిక తో ప్రేమలో పడడం, ఆ ప్రయాణంలో తనకెదురైన అనుభవాలు.. ఇదీ కథ. మహానుభావుడు సినిమాకి లైన్ అక్కడ్నుంచి కాపీ కొట్టారా?? లేదంటే రైట్స్ కొనుక్కొని ఈ సినిమా తీసుకొన్నారా?? అనేది తెలియాల్సివుంది. మారుతి మార్కులు వినోదం, జిమిక్కులు, ఎంటర్టైన్మెంట్ డోసు ఎక్కువ ఉన్నా.. పాయింట్ పరంగా ఇది 24 కథాయంకి చాలా దగ్గరగా ఉంది. మరి.. ఈ విషయాన్ని మారుతి ఒప్పుకొంటాడో, లేడో??
కాపీ భావుడవయ్యా…!
