దేశంలో లాక్డౌన్ను..ఈ నెల 31వ తేదీ వరకూ పొడిగిస్తూ..కేంద్రం నిర్ణయం ప్రకటించింది. అయితే.. పెద్ద ఎత్తున మినహాయింపులు ఇచ్చింది. ముఖ్యంగా అంతర్రాష్ట్ర బస్సు, క్యాబ్ సర్వీసులకు అనుమతి ఇచ్చింది. అయితే.. ఇది రాష్ట్రాల మధ్య పరస్పర అంగీకారపూర్వకంగా ఉండాలని స్పష్టం చేసింది. రైళ్లు మాత్రం ప్రకటించిన ప్రత్యేక రైళ్లు నడుస్తాయి. అలాగే హోటళ్లు తెరిచేందుకు అంగీకరించలేదు కానీ.. హోండెలివరీకి మాత్రం.. మినహాయింపులు ఇచ్చింది. ప్రత్యేకంగా వేటికి అనుమతి లేదో..చెబుతూ.. ఓ వివరణ పత్రం విడుదల చేసింది.
డొమెస్టిక్, ఇంటర్నేషనల్ ఫ్లైట్స్ కు అనుమతి లేదు ..కానీ ఎయిర్ అంబులెన్స్లు, భద్రతకు సంబంధించినవి, ఎంఏహెచ్ అనుమతించిన వాటికి మినహాయింపు ఉంటుంది. మెట్రో రైళ్లు నడపరు. పాఠశాలలు, కళాశాలలు, విద్యాసంస్థలు తెరవడానికి అవకాశం లేదు. హోటళ్లు, రెస్టారెంట్లకు అనుమతి లేదు కానీ..అత్యవసర సేవలందించే వారికి ఆహారం అందించే వంట శాళలకు మాత్రంఅనుమతి ఉంటుది. హోం డెలివరీ కూడా చేసుకోవచ్చు. సినిమా హాళ్లు, షాపింగ్ మాల్స్, రాజకీయ, సామాజిక, క్రీడా మతపరమైన సంస్థల్లో ప్రజలకు అనుమతి లేదు. మతపరమైన కార్యక్రమాలకు అనుమతి లేదు.
అన్ని రకాల సరుకు రవాణాకు.. కేంద్రం పర్మిషన్ ఇచ్చింది. ఖాళీ ట్రక్కులు కూడా తిరగొచ్చని .. ఎలాంటి అనుమతులు అక్కర్లేదని కేంద్రం తేల్చింది. అన్ని రకాల సరుకుల రవాణాకు అనుమతి లభించడంతో ఈ కామర్స్ సంస్థలు కూడా పూర్తిస్థాయి కార్యకలాపాలు ప్రారంభించే అవకాశం ఉందని అంచనా వేస్తున్నారు. మాల్స్.. హోటల్స్ లాంటి వాటి ప్రారంభానికి అనుమతి ఇస్తారని చాలా మంది అంచనా వేశారు కానీ.. దేశంలో కేసులు అంతకంతకూ పెరుగుతూండటంతో రిస్క్ తీసుకోదల్చుకోలేదని తెలుస్తోంది. ఇప్పటికే రాష్ట్రాలు పలు రకాల మినహాయింపులు ఇచ్చాయి. ఆర్థిక కార్యకలాపాలు పెరిగేలా.. రాష్ట్రాలు ఇప్పటికే కొన్ని చర్యలు ప్రకటించాయి.
