‘ఉయ్యాలా జంపాలా’, ‘సినిమా చూపిస్త మావ’, ‘కుమారి 21ఎఫ్’ చిత్రాలతో వరస హిట్లు సాధించి హ్యాట్రిక్ కొట్టిన రాజ్ తరుణ్ లేటెస్ట్ మూవీ ‘సీతమ్మ అందాలు.. రామయ్య సిత్రాలు’ సినిమా పరంగా చాలా బ్యాడ్ టాక్ తెచ్చుకుంది. ఏమాత్రం కొత్తదనంలేని కథతో కొత్త దర్శకుడు శ్రీనివాస్ గవిరెడ్డి చేసిన ఈ సినిమా రాజ్ తరుణ్ని డిజప్పాయింట్ చేసింది. హిట్ మీద హిట్ కొడుతున్న రాజ్ తరుణ్ స్పీడ్కి బ్రేకులు వేశాడు శ్రీనివాస్.
‘అందాల రాక్షసి’, ‘భలే భలే మగాడివోయ్’, ‘సోగ్గాడే చిన్ని నాయనా’ వంటి సూపర్హిట్ చిత్రాలతో హిట్ హీరోయిన్గా పేరు తెచ్చుకున్న లావణ్య త్రిపాఠికి ‘లచ్చిందేవికి ఓ లెక్కుంది’ చిత్రంతో మరో కొత్త దర్శకుడు జగదీష్ తలశిల షాక్ ఇచ్చాడు. ఈ శుక్రవారం రిలీజ్ అయిన సినిమాల్లో వెరీ బ్యాడ్ మూవీగా ‘లచ్చిందేవి..’ని పక్కన పెట్టేశారు ఆడియన్స్. వరసగా హిట్స్ కొడుతూ మంచి స్పీడ్ మీదున్న లావణ్య త్రిపాఠికి కూడా ఈ సినిమా రిజల్ట్తో బ్రేక్ పడింది. మరి ఈ ఇద్దరికీ వారి నెక్స్ట్ సినిమాలు ఎలా వుండబోతున్నాయో.!
