బాలకృష్ణ ‘అన్స్టాపబుల్’ షో నుంచి కొత్త ప్రోమో వచ్చింది. ఈ షోకి ముఖ్య అతిథిగా సూపర్ స్టార్ మహేష్ బాబు విచ్చేసి పలు ఆసక్తికర విశేషాలు పంచుకున్నారు. ప్రోమోలో మహేష్ ని చూసిన బాలయ్య‘‘ఇంత యంగ్గా ఉన్నావేంటయ్యా బాబూ!’’ అని అడగ్గా మహేశ్ సిగ్గుపడటం నవ్వులు పూయించింది. తన సినిమాల్లోని ఏదైనా డైలాగ్ను వినిపించాలని బాలకృష్ణ మహేశ్ను కోరగా ‘‘మీ డైలాగ్ మీరు తప్ప ఇంకెవరూ చెప్పలేరు సర్’’ అని సమాధానం ఇవ్వడం కూడా నవ్వులు పంచింది. ఒకానొక సందర్భంలో మూడేళ్లు గ్యాప్ ఎందుకు తీసుకోవాల్సి వచ్చిందోనని బాలయ్య ప్రశ్నించగా .. ”నన్ను నేను కరెక్ట్ చేసుకోవడం కోసం ఆ గ్యాప్ తీసుకున్నా.. అని చెప్పడం… తర్వాత బాలయ్య ‘అన్స్టాపబుల్’ అని చెప్పడం ప్రోమోకి ఫైనల్ టచ్ ఇచ్చింది.
2007లో వచ్చిన ‘అతిధి’ సినిమా తర్వాత ‘ఖలేజా’ చేయడానికి మధ్య దాదాపు మూడేళ్ళు గ్యాప్ తీసుకున్న సంగతి తెలిసిందే. ఖలేజా తర్వాత మహేష్ గ్రాఫ్ ఒక్కసారిగా మారింది. సినిమా విజయాన్ని పక్కన పెడితే మహేష్ లో కొత్త మెరుపు కనిపించింది. డైలాగ్ మాడ్యులేషన్ లో సరికొత్త మార్పు వచ్చింది. తర్వాత వచ్చిన ‘దూకుడు’ విజయం తర్వాత మళ్ళీ వెనక్కి తిరిగి చూసుకోలేదు మహేష్. ప్రస్తుతం ‘సర్కారు వారి పాట’ సినిమా చేస్తున్న మహేష్.. త్రివిక్రమ్ దర్శకత్వంలో మరో సినిమాకి శ్రీకారం చుట్టారు. ఏప్రిల్ లో సినిమా సెట్స్ పైకి వెళుతుంది.
The ever-charming Superstar @urstrulyMahesh and the ever-energetic #NandamuriBalakrishna Garu in one frame ?#UnstoppableWithNBK Season Finale premieres tomorrow at 8 PM.#SSMBOnUnstoppable @directorvamshi pic.twitter.com/jYK6kNL1qf
— ahavideoin (@ahavideoIN) February 3, 2022
