జనసేన అధినేత పవన్ కల్యాణ్.. పార్టీ వ్యవహారాల్లో తనను పెద్దగా పట్టించుకోవడం లేదని.. సీబీఐ మాజీ జేడీ వీవీలక్ష్మినారాయణ పరోక్షంగా ప్రకటించారు. కొద్ది రోజులుగా.. వీవీ లక్ష్మినారాయణ జనసేన పార్టీని వీడబోతున్నారని ప్రచారం జరుగుతోంది. పవన్ కల్యాణ్ కూడా పార్టీ వ్యవహారాల్లో లక్ష్మినారాయణను ఎక్కడా ఇన్వాల్వ్ చేయడం లేదు. ఏ కమిటీలోనూ ఆయనకు చోటివ్వలేదు. వీవీ లక్ష్మినారాయణ కూడా.. జనసేన కార్యక్రమాల్లో కనిపించడం లేదు. దాంతో.. ఈ ప్రచారం ఊపందుకుంది. దీనిపై.. జనసేన వర్గాలు కూడా ఎలాంటి ప్రకటన చేయలేదు. అయితే.. ఈ ప్రచారం ఊపందుకోవడం… రేపోమాపో ఆయన బీజేపీలో చేరుతారంటూ.. డేట్లు కూడా వచ్చేస్తూండటంతో.. వీవీ లక్ష్మినారాయణ సోషల్ మీడియాలో స్పందించారు.
జనసేన పార్టీకి తన అవసరం ఉందని.. పవన్ కల్యాణ్ ఎంత వరకూ అనుకుంటారో.. అంత వరకూ.. తాను ఆయనతోనే ఉంటానని ప్రకటించారు. అవసరమైన వార్తలతో కాలం గడిపే బదులు… వరదబాధితులకు సాయం అందించారని.. ఈ ప్రచారం చేసే వారికి సూచించారు. వీవీ లక్ష్మినారాయణ ట్వీట్.. జనసేన అధినేత.. తనకు ఏ బాధ్యతలు ఇచ్చినా చేస్తానని.. ఆయన ఏమీ పని చెప్పకపోవడం వల్లే పార్టీకి దూరంగా ఉంటున్నానని.. చెప్పినట్లయింది. వీవీ లక్ష్మినారాయణ ట్వీట్ను జనసేన పార్టీ రీట్వీట్ చేసి.. ఆయన అభిప్రాయాల్ని.. తమ పార్టీ కార్యకర్తలకు కూడా చేరవేసింది. కానీ అందులో ఉన్న అర్థాన్ని మాత్రం అర్థం చేసుకోలేకపోయిననట్లుగా ఉన్నారు.
రాజకీయాల్లోకి రావాలన్న ఉద్దేశంతోనే వీవీ లక్ష్మినాాయణ వాలంటరీ రిటైర్మెంట్ తీసుకున్నారు. ఆయన పదవీ రాజకీయాలు చేయాలనుకోలేదు. గెలిచినా.. ఓడినా ప్రజల మధ్యే ఉండాలనుకున్నారు. ఎన్నికల ఫలితాల తర్వాత పవన్ కల్యాణ్.. కొన్నాళ్లు రెస్ట్ మోడ్ లోకి వెళ్లిపోయినా వీవీ లక్ష్మినారాయణ మాత్రం ప్రజల్లో తిరిగారు. తర్వాత ఏమయిందో కానీ.. జనసేనలో ఆయన వాయిస్ వినబడటం తగ్గిపోయింది. పవన్ కల్యాణ్ కూడా ప్రాధాన్యత ఇవ్వలేదు. దాంతోనే పార్టీ మార్పు ప్రచారం ప్రారంభమయింది. మరి ఇప్పుడైనా జేడీని పవన్ గుర్తిస్తారో లేదో మరి..!
I will be with Janasena till the President feels that I’m useful to the party.
Please don’t waste time on such rumours and rather use it for helping the flood affected, planting saplings, clearing areas of plastic, motivating youth and many more.
Jai Hind.– VV Lakshmi Narayana
— V. V. Lakshmi Narayana , A+ (JD) (@VVL_Official) August 10, 2019
