విజ‌య్ దేవ‌ర‌కొండ తాజా చిత్రం ‘ఖుషి’. శివ నిర్వాణ ద‌ర్శ‌కుడు. స‌మంత క‌థానాయిక‌గా న‌టిస్తోంది. ప్ర‌స్తుతం చిత్రీక‌ర‌ణ ద‌శ‌లో ఉంది. అయితే ఈ ప్రాజెక్టుపై మంచి అంచ‌నాలు ఉన్నాయి. బిజినెస్ ప‌రంగానూ క్రేజ్ సంపాదించుకొంది. షూటింగ్ స‌గం కూడా పూర్త‌వ్వ‌లేదు. ఈ సినిమా నుంచి ఒక్క పాట కూడా బ‌య‌ట‌కు రాలేదు. అప్పుడే ఆడియో రైట్స్ అమ్ముడుపోయాయి. స‌రిగ‌మ సంస్థ ఖుషి ఆడియోని రూ.13 కోట్ల‌కు సొంతం చేసుకొంది. మ‌ల‌యాళ `హృద‌యం` చిత్రానికి ప‌ని చేసిన అబ్దుల్ వాహెద్‌.. తొలిసారి `ఖుషి`తో టాలీవుడ్ లోకి అడుగుపెట్టాడు. `హృద‌యం`లో పాట‌ల‌న్నీ హిట్టే. ఖుషి ల‌వ్ స్టోరీ కాబ‌ట్టి పాట‌ల‌కు మంచి స్కోప్ ఉంది. దానికి తోడు `లైగ‌ర్` హిందీ వెర్ష‌న్ పాట‌ల‌న్నీ సూప‌ర్ హిట్‌. `ఖుషి` ఎలాగూ పాన్ ఇండియా సినిమా కాబ‌ట్టి… అన్ని భాష‌ల్లోనూ ఈ పాట‌ల‌కు మంచి మైలేజీ ఉంటుంది. విజ‌య్ – స‌మంత – శివ నిర్వాణ – మైత్రీ మూవీస్ ఇలా… కాంబినేష‌న్ ప‌రంగానూ ఈ ప్రాజెక్టుకి మంచి క్రేజ్ ఉంది. అందుకే ఒక్క పాట కూడా రాకుండానే ఆడియో రైట్స్ అమ్ముడుపోయాయి. నిజానికి అన్ని ఆడియో సంస్థ‌లూ.. ఖుషి రైట్స్ కోసం పోటీ ప‌డ్డాయి. ఆక్ష‌న్ ప‌ద్ధ‌తిలో ఎక్కువ మొత్తానికి పాడుకొన్న స‌రిగ‌మ‌… చివ‌రికి ఖుషి రైట్స్ ద‌క్కించుకొంది.