చిరంజీవి తాజా చిత్రం ‘విశ్వంభర’. సోషియో ఫాంటసీ నేపథ్యంలో సాగే సినిమా ఇది. త్రిష కథానాయికగా నటిస్తున్న ఈ చిత్రంలో చిరు భీమవరం దొరబాబుగా కనిపించబోతున్న సంగతి తెలిసిందే. ఇప్పుడు ఈ సినిమాలో విలన్ కూడా ఎంట్రీ ఇచ్చేశాడు. బాలీవుడ్ స్టార్ కునాల్ కపూర్ ‘విశ్వంభర’లో విలన్ గా కనిపించబోతున్నాడని తెలుగు 360 ముందే చెప్పింది. ఇప్పుడు ఆయన ఎంట్రీ ఇచ్చేశారు. ఇది వరకే కునాల్పై కొన్ని కీలకమైన సన్నివేశాలు తెరకెక్కించారు. అయితే ఇప్పుడు అధికారికంగా ప్రకటించారు. ప్రస్తుతం హైదరాబాద్ లో షూటింగ్ జరుగుతోంది. కునాల్ కూడా సెట్లో ఉన్నాడు.
జులై చివరి నాటికి షూటింగ్ మొత్తం పూర్తవ్వాలన్నది టార్గెట్. ఎందుకంటే పోస్ట్ ప్రొడక్షన్కి చాలా సమయం పట్టబోతోంది. విజువల్ ఎఫెక్ట్స్కి ప్రాధాన్యం ఉన్న సినిమా ఇది. విజువల్స్ అనుకొన్నవి అనుకొన్నట్టు రావాలంటే తగిన సమయం కేటాయించాల్సిందే. అందుకే.. జులై నాటికి షూటింగ్ పూర్తి చేయాలనుకొంటున్నారు. సంక్రాంతి కానుకగా జనవరి 10న ఈ చిత్రాన్ని విడుదల చేస్తారు. యూవీ క్రియేషన్స్ రూపొందిస్తున్న ఈ చిత్రానికి కీరవాణి సంగీతాన్ని సమకూరుస్తున్నారు. 5 పాటలు, కొన్ని బిట్ సాంగ్స్ ఉన్నాయి ఈ ఆల్బమ్లో.
