ఏపీ ఎన్నికల్లో వైసీపీ ఓటమి షాక్ కు గురి చేసిందని, నిత్యం గుడ్ మార్నింగ్ పేరుతో ప్రజల్లో ఉండే కేతిరెడ్డి ఓటమి పాలవ్వడం ఏంటని కేటీఆర్ చేసిన వ్యాఖ్యలకు ఏపీ మంత్రి సత్య కుమార్ ఘాటు రిప్లై ఇచ్చారు. ఊహించని విధంగా కౌంటర్ రావడంతో కేటీఆర్ చేసేదేం లేక ట్విట్టర్ లో సత్య కుమార్ ను బ్లాక్ చేశారు.
ధర్మవరం మాజీ ఎమ్మెల్యే ఓటమిపై తెలంగాణ మాజీ మంత్రి చిలక పలుకులు పలుకుతున్నారు..ధరణి పేరుతో తెలంగాణలో మీరు నడిపిన భూమాఫియా లాగానే ధర్మవరం లో గుడ్ మార్నింగ్ పేరుతో మీ భూభకాసుర మిత్రుడు ప్రభుత్వ, అసైన్డ్, ప్రైవేటు, ప్రజలు ఆస్తులను ఆక్రమించాడు. చివరికి చెరువులు కొండలను కూడా కబళించాడు. గుడ్ మార్నింగ్ అంటే ప్రజలకు గుర్తుకు వచ్చేది కబ్జా-కలెక్షన్-కరప్షన్-కమీషన్లే..ఫాంహౌస్ కు పరిమితమైన మీరు X లో అడిగినా ధర్మవరం ప్రజలు సమాధానం చెబుతారు..మీ అవినీతిని ప్రశ్నిస్తూ నిర్మాణాత్మక విమర్శ చేసినందుకు ట్విట్టర్ లో 4ఏళ్ల క్రితం నన్ను బ్లాక్ చేశారు..ఈ అవినీతి, అహంకారం, అసమర్థతే మిమ్మల్ని మీ ప్రియ మిత్రులు జగన్ కేతిరెడ్డిలను ఓడించాయి. ఒకే జాతి పక్షులు ఒకరికొకరు ‘సర్టిఫికేట్’ లు ఇచ్చుకుంటూ ఓదార్చుకోండి అంటూ కేటీఆర్ కు ఘాటుగా సమాధానం ఇచ్చారు.
కేటీఆర్ తనను బ్లాక్ చేసిన ఫోటోను ఎక్స్ లో పోస్ట్ చేస్తూ స్ట్రాంగ్ కౌంటర్ ఇచ్చారు మంత్రి సత్యకుమార్. ఇందుకు సంబంధించిన ట్వీట్ సోషల్ మీడియాలో వైరల్ అవుతోంది.
