మహేష్ బాబు బ్రహ్మోత్సవం ఆడియో ఫంక్షన్.. ప్రస్తుతం హైదరాబాద్లోని జేఆర్సీ ఫంక్షన్ హాల్లో గ్రాండ్గా జరుగుతోంది. బ్రహ్మోత్సవం టైటిల్కి తగ్గట్టు.. సంప్రదాయ బద్ధంగా సాగుతున్న ఈ పాటల వేడుకలో తొలి పాటని కృష్ణ ఆవిష్కరించారు. ఈ సందర్భంగా కృష్ణ మాట్లాడుతూ శ్రీమంతుడు కంటే బ్రహ్మోత్సవం బాగా ఆడాలని ఆకాంక్షించారు. ”పీవీపీ అభిరుచి ఉన్న నిర్మాణ సంస్థ. ఈ సినిమాని చాలా ఖర్చు పెట్టి తీశారు. వాళ్లకు మంచి డబ్బులు రావాలి. ట్రైలర్ చూశా. గత సినిమాలకంటే మహేష్ చాలా అందంగా కనిపిస్తున్నాడు. శ్రీకాంత్ అడ్డాల తీసిన సీతమ్మ వాకిట్లో సిరిమల్లె చెట్టు సినిమా చాలా సహజంగా ఉంటుంది. సినిమా చూస్తున్నట్టు ఉండదు.. క్యారెక్టర్లు అంత సహజంగా బిహేవ్ చేస్తాయి. శ్రీమంతుడు మహేష్ కెరీర్లోనే పెద్ద హిట్టయ్యింది. ఆసినిమా కంటే బ్రహ్మోత్సవం బాగా ఆడాలని కోరుకొంటున్నా” అన్నారు కృష్ణ.
విజయ నిర్మల మాట్లాడుతూ ”ఈ సినిమాలో మహేష్ అందంగా ఉన్నాడు అంటున్నారు.. మహేష్ ఇప్పుడు కాదు.. ఎప్పుడూ అందంగానే ఉంటా”న్నారు. ఈ కార్యక్రమానికి నటుడు నవదీప్ యాంకరింగ్ వ్యవహరిస్తుండడం విశేషం.
