హీరో నానిని ఆకాశానికెత్తేస్తుంది హీరోయిన్ మెహరీన్. నాని గురించి టాపిక్ వస్తే చాలు పొగడ్తల వర్షం కురిపించేస్తుంది. నాని అలాంటోడు.. ఇలాంటోడు.. చాలా మంచోడంటూ నానా హంగామా చేస్తుంది. అంతేకాదు తోటి హీరోయిన్లను బాగా చూసుకుంటాడని చెబుతుంది. కృష్ణగాడి వీర ప్రేమగాధ సినిమాలో హీరోయిన్ గా తాను బెస్ట్ పెర్ ఫార్మెన్స్ ఇవ్వడానికి కారణం నాని నేర్పిన నటనే అంటోంది అమ్మడు.
పంజాబ్ లో పుట్టి, ఢిల్లీలో పెరిగి, అమెరికా టొరంటోల్లో తిరిగి.. కృష్ణగాడి వీర ప్రేమగాధ మూవీలో టాలీవుడ్ లోకి అడుగుపెడుతున్న మెహరీన్ ని షూటింగ్ స్పాట్ లో చాలా హెల్ప్ చేశాడట నాని. స్పాట్ లో సీన్ ఇంప్రూవ్ చేయడం సహా చాలా విషయాల్లో నాని సహకారం అందించాడట. ఈ మూవీకి సెలక్ట్ కాగానేనాని నటించిన పాత సినిమాలు కూడా చూసిందట ఈ అమ్మడు. ఎవడే సుబ్రమణ్యం మూవీ చూసి… నాని నటనకి బాగా ఇంప్రెస్ అయ్యిందట.
నాని, మెహరీన్ జంటగా వస్తున్న కృష్ణగాడి వీర ప్రేమగాధ మూవీ ఈనెల 20న ఆడియో ఫంక్షన్ జరగబోతోంది. 14 రీల్స్ ఎంటర్ టైన్ మెంట్ పతాకంపై వస్తున్న ఈ సినిమాని హను రాఘవపూడి దర్శకత్వం వహిస్తున్నారు. ఆడియోఫంక్షన్ కి సూపర్ స్టార్ మహేష్ బాబు చీఫ్ గెస్ట్ గా హాజరుకాబోతున్నాడని సమాచారం.
