ఒకప్పుడు కమెడియన్ కృష్ణభగవాన్ లేకుండా సినిమానే ఉండేది కాదు. హీరో పక్కనో, విలన్ చెంతనో నిలబడి సెటైర్లు మీద సెటైర్లు వేసేవాడు. ఈమధ్య మాత్రం కృష్ణభగవాన్ని వెదుక్కోవాల్సిన పరిస్థితి ఏర్పడింది. సినిమాల్లేవు. వచ్చినా ఇది వరకటిలా పంచ్లు పేలడం లేదు. దానికి తోడు వ్యక్తిగత ప్రవర్తన కూడా తన కెరీర్ని పాతాళంలోకి తీసుకెళ్లిపోయింది. ఈ కమెడియన్ తాగుడుకి బానిసైపోయాడని, అది ఆరోగ్యంపై ప్రభావం చూపించదని, అందుకే అవకాశాలూ దూరమయ్యానని చెప్పుకొంటున్నారు. ఆమధ్య ఓ కాలేజీ ఫంక్షన్కి తాగి వెళ్లి.. వేదికపై ఏదోదో వాగి మరింత అభాసుపాలయ్యాడు. ఆ ఎపిసోడ్ కృష్ణభగవాన్ కూడా గుర్తు చేసుకొన్నాడిప్పుడు.
”అవును.. ఆ కాలేజీ ఫంక్షన్కి నేను తాగి వెళ్లా. కానీ.. అలా వెళ్లింది అదొక్కసారే. ఆ పొరపాటు మరోసారి జరగనివ్వను. నా ఆరోగ్యం ప్రస్తుతం బాగానే ఉంది. త్వరలోనే మునిపటిలా సినిమాల్లో మెరుస్తానన్న నమ్మకం ఉంది” అంటున్నాడు. అయితే కుర్ర కమెడియన్ల జోరు, జబర్ దస్త్ గ్యాంగ్ ముందు కృష్ణభగవాన్ నిలబడతాడా అన్నది సందేహమే. మునుపటిలా పంచ్లో జోరు చూపించాలంటే… అలాంటి మంచి పాత్రలు పడాలి. వాటికోసమే కృష్ణభగవాన్ వెయిటింగ్ చేస్తున్నాడు.
