చిరంజీవి `వేదాళం` రీమేక్‌లో ఓ కీల‌క‌మైన పాత్ర వుంది. క‌థానాయ‌కుడి సోదరిగా ఆ పాత్ర‌లో కీర్తి సురేష్ కనిపిస్తుంద‌ని ప్ర‌చారం జోరుగా సాగుతోంది. ఈ పాత్ర కోసం సాయి ప‌ల్ల‌వి, కీర్తి సురేష్‌ల పేర్లు చ‌ర్చ‌ల్లో వినిపించాయ‌ని, చిరు కీర్తి సురేష్‌ని ఫిక్స్ చేశార‌ని చెప్పుకున్నారు.

అయితే.. కీర్తి మాత్రం ఈ విషయంలో మౌనంగానే వుంది. `మిస్ ఇండియా` బుధ‌వారం నెట్‌ఫ్లిక్స్ లో స్ట్రీమింగ్ కాబోతోంది. ప్ర‌చారంలో భాగంగా మీడియాతో కీర్తి మాట్లాడింది. అయితే ఈ సంద‌ర్భంలో ఎక్క‌డా `వేదాళం` రీమేక్ ప్ర‌స్తావ‌న రాకుండా జాగ్ర‌త్త ప‌డింది. ”స‌ర్కారువారి పాట త‌ర‌వాత‌.. ర‌జ‌నీకాంత్ తో `అణ్ణాత్తే` లో న‌టిస్తున్నా. మోహ‌న్ లాల్ సినిమాలో న‌టించ‌డానికి ఒప్పుకున్నా. బాలీవుడ్ `మైదాన్‌`లో నేను న‌టిస్తున్నా అనే వార్త‌ల్లో నిజం లేదు. ప్ర‌స్తుతానికి నేను ఒప్పుకున్న సినిమాలివే” అని తేల్చేసింది. ‘వేదాళం’ ప్ర‌స్తావ‌న ఎక్క‌డా తీసుకురాలేదు. అయితే.. ప్ర‌స్తుతం ఈ ఆఫ‌ర్ ఎగ్రిమెంట్ల ద‌శ‌లో ఉంద‌ని, అందుకే కీర్తి బ‌య‌ట‌ప‌డ‌లేద‌ని, చిత్ర‌బృందంమే ఈ విష‌యంలో అధికారికంగా స్పందించాల‌ని తాను ఎదురు చూస్తోంది కీర్తి స‌న్నిహిత వ‌ర్గాలు తెలిపాయి.