మహానటి సావిత్రికి జాతీయ అవార్డు రాలేదు.. కానీ ఆమె పాత్రను పోషించి జాతీయ అవార్డు కొట్టేసిన కీర్తిసురేష్. తను నిజంగా లక్కీ గాళ్. తక్కువ సమయంలోనే తనకంటూ ప్రత్యేకత తెచ్చుకుంది. రెగ్యులర్ కమర్షియల్ సినిమాలు చేస్తూనే, తనకంటూ గుర్తింపు లభించే ఏ పాత్రనీ వదలడం లేదు. ప్రస్తుతం బరువు తగ్గి రెట్టించిన గ్లామర్తో తెలుగు, తమిళ భాషల్లో దూసుకుపోతోంది.
త్వరలో కీర్తి మరో బయోపిక్లో కనిపించనున్నట్లు విశ్వసనీయ సమాచారం. ఇది స్వతంత్య్రం రాకపూర్వం జరిగిన కథ అట. దేశం గర్వించదగ్గ మహా దర్శకుడు ఈ సినిమాకు దర్శకత్వం వహించనున్నట్లు తెలుస్తోంది. తెలుగు, తమిళ, కన్నడ, మలయాళంతో పాటు హిందీలోనూ ఈ సినిమాని విడుదల చేస్తారని తెలుస్తోంది. ప్రస్తుతం కీర్తి కోసం కథ సిద్ధం అవుతోంది. దర్శకుడెవరు? ఈ బయోపిక్ కథేమిటో తెలియాలంటే కొద్ది రోజులు ఆగాలి.
