బయోపిక్ల ప్రస్తావన ఎప్పుడు వచ్చినా కేసీఆర్ బయోపిక్ కూడా… చర్చకు వస్తుంది. కేసీఆర్ బయోపిక్ తీస్తాం.. అని అప్పట్లో చాలామంది ప్రకటించారు. కానీ.. ఎవ్వరూ ఆ ప్రయత్నాలు చేసిన దాఖలా లేదు. ప్రముఖ నిర్మాత, దర్శకుడు మధుర శ్రీధర్ సైతం కేసీఆర్ బయోపిక్ తీస్తానని చెప్పారు. కానీ.. ఆ ప్రాజెక్టు గురించి ఇప్పటి వరకూ ముందుకు కదలలేదు.
అయితే ఈ బయోపిక్ గురించి మధుర శ్రీధర్ ఇప్పుడు స్పందించారు. తప్పకుండా ఈ బయోపిక్ తీస్తానని, స్క్రిప్టు కూడా రెడీ అయ్యిందని ప్రకటించారు. ”కేసీఆర్ ఇప్పుడు జాతీయ స్థాయి నాయకుడు. ఆయన జీవిత కథ తీయడం ఆషామాషీ వ్యవహారం కాదు. పాన్ ఇండియా స్థాయిలో చేయాలి. కనీసం 20 కోట్లు ఖర్చవుతుంది. బడ్జెట్ని సమకూర్చుకునేందుకు కొంత సమయం పడుతుంది. కేసీఆర్ రూపు రేఖలకు తగిన నటుడ్ని వెదికి పట్టుకునే పనిలో ఉన్నాం. ఇవన్నీ కుదిరాక… ఈ సినిమా మొదలెడతాం” అని చెప్పుకొచ్చారు.
