‘ఆర్.ఎక్స్ 100’తో ఓ సూపర్ హిట్టు కొట్టాడు అజయ్ భూపతి. ఆ సినిమాతోనే కార్తికేయ రేంజు పెరిగింది. నాలుగు సినిమాలు వెనకేసుకోగలిగాడు. అయితే ఈలోగా అజయ్ భూపతి మాత్రం ఒక్క సినిమా కూడా చేయలేదు. ‘మహా సముద్రం’ కథ పట్టుకుని హీరోల చుట్టూ తిరిగాడు. ఓ హీరో తన చుట్టూ తిప్పించుకుని చివరికి ‘నో’ చెప్పేసరికి తట్టుకోలేక ‘చీప్ స్టార్’ అంటూ స్టేట్మెంట్లు ఇచ్చి సోషల్ మీడియాని ఆకర్షించాడు కూడా. ఈ కథే… నాగచైతన్య దగ్గరకు వెళ్లింది. తను కూడా తన ప్రాజెక్టులతో బిజీగా ఉండడంతో చివరికి ‘మహా సముద్రం’ కార్తికేయతోనే చేయాలని ఫిక్స్ అయ్యాడు. ఇందులో ప్రతినాయకుడిగా విశ్వక్సేన్ని ఎంచుకున్నాడు.
అయితే ఇప్పుడు కార్తికేయ కూడా ఈ ప్రాజెక్టుపై ఆసక్తి చూపించడం లేదని తెలుస్తోంది. ‘మహా సముద్రం కాకుండా మరో కథ చేద్దామా’ అని అడుగుతున్నాడట. అయితే మరో కథపై అజయ్భూపతి మనసు పోవడం లేదని తెలుస్తోంది. ఎలాగైనా సరే… మహా సముద్రంనే తెరపైకి తీసుకురావాలని భావిస్తున్నాడు. ఈ విషయమై కార్తికేయతో సంప్రదింపులు జరుగుతున్నాయి. అజయ్ భూపతిని వదులుకోవడం కార్తికేయకు అస్సలు ఇష్టం లేదు. ఎందుకంటే తనకు ‘ఆర్.ఎక్స్ 100’ రూపంలో లైఫ్ ఇచ్చాడు. అలాగని చేయడానికీ మనసొప్పడం లేదు. మరి ఈ మహాసముద్రం సంగతి ఎప్పుడు తేలుతుందో..?
