సాధారణంగా హీరోలు క్రేజ్ ఉన్నంత కాలం హీరోగానే తెరపై కనపడాలనుకుంటారు. క్రేజ్ తగ్గే క్రమంలో క్రమంగా విలన్గా, క్యారెక్టర్ ఆర్టిస్ట్గా వేషాలు వేయడానికి ఆసక్తిని చూపుతుంటారు. చాలా కొద్ది మంది మాత్రమే ప్రారంభం నుండి హీరోగా, విలన్గా రాణించే ప్రయత్నం చేస్తున్నారు. `ఆర్.ఎక్స్ 100`తో హీరోగా కెరీర్ స్టార్ట్ చేసి కార్తికేయ.. తొలి చిత్రంతో సక్సెస్ కొట్టాడు. ఇప్పుడు తెలుగు, తమిళంలో `హిప్పి` సినిమాతో పాటు తెలుగులో మరో సినిమా చేయడానికి రెడీ అయ్యాడు. ఈ క్రమంలో ఈ హీరోకు సంబంధించిన ఆసక్తికరమైన విషయమొకటి ఇండస్ట్రీ వర్గాల్లో చక్కర్లు కొడుతుంది. అదేంటంటే.. ఈ హీరో విలన్గా నటించబోతున్నాడట. నాని హీరోగా విక్రమ్కుమార్ దర్శకత్వంలో తెరకెక్కబోయే చిత్రంలో కార్తికేయ విలన్గా నటించబోతున్నాడనేది సమాచారం. అయితే కెరీర్ ఎదుగుతున్న క్రమంలో.. విలన్గా నటిస్తాడా? అనేది కీలకంగా మారింది. అయితే విశ్వసనీయ వర్గాల సమాచారం ప్రకారం కార్తికేయ విలన్గా.. నటిస్తున్నాడనేది కన్ఫర్మ్. ఆల్ రెడీ డేట్స్ కూడా అడ్జస్ట్ చేశాడనేది పక్కా న్యూస్.
నిజమే.. కార్తికేయ డేట్స్ ఇచ్చేశాడు
