టాలీవుడ్ లో ఓ ఆసక్తికరమైన కాంబోకి రంగం సిద్ధమైందా? తమిళ హీరో కార్తితో త్రివిక్రమ్ ఓ సినిమా చేయడానికి సన్నాహాలు చేస్తున్నారా? ఆ అవకాశాలు ఉన్నాయని అంటున్నాయని ఇన్ సైడ్ వర్గాలు. ‘గుంటూరు కారం’ తరవాత త్రివిక్రమ్ సినిమా ఏమిటన్న విషయంలో ఇంకా స్పష్టత రాలేదు. అల్లు అర్జున్తో ఓ సినిమా చేయాలి. అయితే ‘పుష్ష 2’ ముగిసిన వెంటనే అట్లీ సినిమాని పట్టాలెక్కించడానికి బన్నీ రెడీ అయ్యాడు. దాంతో త్రివిక్రమ్ ఎదురు చూపుల్లో పడిపోవాల్సివచ్చింది. అందుకే ప్లాన్ బి సిద్ధం చేశారు. బన్నీ మళ్లీ టచ్లోకి వచ్చేలోగా ఓ సినిమా పూర్తి చేయాలని భావిస్తున్నాడు త్రివిక్రమ్. అందుకే కొన్ని ఆప్షన్లు కూడా రెడీ చేసుకొన్నట్టు టాక్. నాని – వెంకటేష్ కాంబోలో ఓ మల్టీస్టారర్ కథ అనుకొన్నారు. అయితే ఇప్పుడు నాని కూడా ఫుల్ బిజీ. దాంతో ఆ ఆప్షన్ కూడా పక్కన పెట్టారు. ప్రస్తుతం తమిళ హీరో కార్తితో త్రివిక్రమ్ టచ్లో ఉన్నట్టు తెలుస్తోంది. ‘ఊపిరి’ తరవాత కార్తి తెలుగులో నేరుగా సినిమా చేయలేదు. ‘ఊపిరి’ కూడా సోలో హీరో సినిమా కాదు. మల్టీస్టారర్. ‘ఊపిరి’ తరవాత తెలుగులో చేయడానికి సరైన కథ దొరకలేదు. త్రివిక్రమ్ లాంటి దర్శకుడు అడిగితే… కార్తినే కాదు, ఏ హీరో కూడా కాదనడు. సో… ఈ కాంబోపై ఆశలు పెట్టుకోవొచ్చు. ప్రస్తుతం ఈ ప్రాజెక్ట్ పైప్లైన్లోనే ఉంది. త్రివిక్రమ్ తన దగ్గరున్న అన్ని ఆప్షన్లలో కార్తితో ముందుకు వెళ్లడమే బెటర్ అనుకొంటే, ఈ ప్రాజెక్ట్ ఆన్ అయిపోతుంది.
సర్ప్రైజ్ కాంబో: కార్తితో త్రివిక్రమ్?!
