కమల్ హాసన్, మణిరత్నం ‘నాయకన్’ ఘన విజయం అందుకుంది. 1987లో విడుదలైన ఈ గ్యాంగ్ స్టర్ డ్రామా వారి కెరీర్లో ఓ మైలురాయిగా నిలిచింది. వీరికాంబినేషన్లో మళ్లీ సినిమా ఎప్పుడొస్తుందా? అని సినీ ప్రియులు ఎన్నో ఏళ్ల నుంచి ఆసక్తిగా ఎదురుచూశారు. ఫ్యాన్స్ నిరీక్షణకు తెర దించుతూ ఇటివలే సినిమాని ప్రకటించారు.
తాజాగా ఈ చిత్రం టైటిల్ రివిల్ చేశారు. ఈ చిత్రానికి థగ్ లైఫ్ అనే టైటిల్ పెట్టారు. పవర్ ఫుల్ ఫైట్ సీక్వెన్స్ వీడియోని కూడా విడుదల చేశారు. ఇందులో కమల్ రంగరాయ సత్యవేల్ నాయక పాత్రలో నటిస్తున్నారు. అ పాత్రలో ఆయన చెప్పిన డైలాగులు ఆకట్టుకున్నాయి. దాదాపు మూడు నిమిషాల యాక్షన్ సీక్వెన్స్ ని టైటిల్ అనౌన్స్ మెంట్ కోసం స్పెషల్ గా డిజైన్ చేశారు. యాక్షన్ కొరియోగ్రఫీ కూడా కొత్తగా వుంది.
హీరోగా కమల్కు ఇది 234వసినిమా. మద్రాస్ టాకీస్, రాజ్కమల్ ఫిల్మ్స్ ఇంటర్నేషనల్, రెడ్ గెయింట్ మూవీస్ సంస్థలు సంయుక్తంగా నిర్మించనున్న ఆ చిత్రానికి ఎ. ఆర్. రెహమాన్ సంగీతం అందిస్తున్నారు. దుల్కర్ సల్మాన్, త్రిష, జయంరవి ఇతర కీలక పాత్రలు పోషిస్తున్నారు.
